快樂麵麭

Open Now

Now Closed

今日同同事去完灣仔食晏，諗起附近有一間傳統嘅麵包店，所以就同同事行咗過去睇吓有啲咩買啦。今日去嘅時候，已經係裝修完之後嘅樣，門面光鮮咗好多舖頭都大咗好多，同以前好唔同。我哋去買咗蛋撻同埋奶油筒。雖然好邪惡，佢個奶油筒出面係酥皮入面係滿滿嘅cream, 一食落去就知佢有好多牛油，大家記住要成個咁樣食，食埋上面嘅沙糖，咁樣先係最正嘅食法。蛋撻因為啱啱新鮮焗起，入口熱辣辣，加上酥皮，配一杯奶茶真係不得了。我同事講佢仲有個糯米糍好好食，但係今日已經賣晒，所以我買唔到，下次我經過一定會買嚟試吓。