梅光軒 (杏花新城) (Closed)

拉麵控的我又出動啦~~~ 杏花村呢間梅光軒新開張 免加一服務費 同 有期間限定 緊係要去試下啦~聽講最出名係醬油拉麵，不過當日選擇左鹽味拉麵。有份半份麵及全份麵。一般女生可以吃完全份麵，但男生可能不夠飽，可追加麵或者叫自選套餐加小吃飲品。入正題，麵質軟硬適中。拉麵粗幼屬正常SIZE，係略嫌唔夠彈牙。湯底方面，鹽味湯黎講有少少偏油。相比同行者也是吃鹽味拉麵，對比下佢果碗就冇咁油同咸。叉燒方面夠淋身，索曬鹽味湯味唔錯。份量都OK。眼看其他客人的拉麵有小蔥山。我地呢台得小蔥草地。希望個師傅唔好睇心情加蔥而且跟足份量總結一下: 價錢合理、味道可以、環境同服務都良好。可能始終都係新開張，出品未控制得最好。