Sake Bar CHU CHU

Open Now

Now Closed

以前係永光飲酒鍾意飲到醉先叫開心，而家飲酒真係為咗可以傾偈可以飲飲食食，銅鑼灣永光開咗一間專門飲sake 同埋可以食串燒嘅地方，好朋友離開香港之前要同佢好好飲番幾杯，呢度除咗有大眾化嘅清酒之外，都有好多唔同種類或者更加高級嘅清酒選擇，我哋飲咗幾款大吟釀，味道好適合我哋，佢最好唔一定要一大枝落order，可以order一杯杯，我地飲到更多唔同味道嘅清酒。飲酒食串燒簡直係絕配，先來一個餐前小食，好有特色嘅貓貓沙律，食入口脆卜卜，有埋啲紫薯蓉喺底，打卡一流。另外點左幾款串燒，雞腎，雞翼，都整得好入味，最正都係厚切牛舌，超級好味又有口感。芫荽豚肉卷，係我哋呢啲芫荽怪一定要食嘅東西，因為好大嚿，入邊包住大量芫荽，非常滿足。要飽肚就點都要有啲澱粉質，點咗個燒飯團，外面香脆入邊煙韌，雞白湯稻庭烏冬，非常有驚喜雞湯好濃郁，烏冬好滑非常好味。仲有黑松露芝士pizza，唔係好大份，二人份量剛剛好，芝士味好重，用嚟送酒唔覺唔覺兩個人食咗咁多嘢，飲咗好幾杯酒，傾咗好幾個鐘頭計，真係好開心，希望我好朋友出年返嚟香港嘅時候可以再同我嚟呢度再次飲飲食食。