金牌小龍 (Closed)

好掛住上海啲小籠包同生煎包，無得飛過去就唯有搭車黎到餐廳一嚐佢地嘅包子。🔷翡翠瑤柱小籠包 💰42肉汁老實說偏小，所以有小小失望，小籠包餡幾香。🔷菜肉生煎包 💰40生煎包幾唔錯，餡料不算小而且帶少許肉汁鎖住左係到。🔷蒜泥白肉 💰52呢味蒜泥香肉偏辣，怕辣或小辣嘅朋友食就小心啲拉。🔷台式酸辣湯 💰32酸辣湯面頭落咗一啲辣椒油，從而令到個酸辣湯更加香辣。另外，會食到好滿足嘅湯料如豆腐、木耳絲等。🔷排骨蛋炒飯 💰68蛋炒飯口感有咬口，而且粒粒分明且充滿蛋味。排骨有醃製，富有味道，而且軟身，咬落一啲都唔乾。🔷台式麻醬撈麵 💰40醬汁都算頗多，配有青瓜絲，mix埋麵食有雙重口感，不錯。