樂景快餐店 (Closed)

大食妹係一個好鍾意食地道野嘅人去到邊度都會嘗試食嗰個地方嘅經典菜式可惜近排冇得去旅行, 唯有喺香港四周圍覓食今次就帶大家嚟一間價廉物美嘅港式快餐店-樂景快餐店<芝士漢堡蛋包>嚟到食快餐嘅地方, 當然要試吓嗰度嘅漢堡包今次大食妹就嗌咗份經典嘅芝士漢堡蛋包值得一讚嘅係, 快餐店嘅出餐時間真係好快由嗌嘢食到出餐都只要3分鐘漢堡包裏面有荷包蛋、手打厚切牛肉同埋酸酸嘅茄汁漢堡牛肉嘅牛味十足, 而且比起美式快餐店嘅漢堡扒更加juicy<滷水雞髀餐>朋友就嗌咗份滷水雞髀餐雞髀好有肉地, 而且滷得好入味除咗雞髀外, 套餐仲包括一隻熱狗、炸薯條同飲品熱狗份量唔係好大, 裏面包住條廚師腸至於薯條就係即炸嘅彎曲粗薯條, 非常有香港風味