Video
Read full review
2018-11-22
889 views
兒時住响深水埗唐樓，對於呢個地方總有少少情意結，久唔久就想去食吓豆腐花，行吓黃金商場。喀什咖哩就响平日食開嘅荳品店附近，平日自己一個人嘅話就一定買份咖哩牛肉薄餅邊行邊食！二人以上就入去食豐富嘅印度餐。位於深水埗嘅食肆有個特色，就係份量比坊間多少少。一般午餐份量一定夠飽！喀什嘅午餐有咖哩牛腩，咖哩免治牛肉，咖哩免治羊肉三款，配白飯或者2塊酥油餅，價錢都係$4X。咖哩底用上多種香辛料配搭而成，辣味唔會太重，但味道濃郁層次豐富，口感順喉，無論配白飯或者酥油餅都係絕配！肉類方面，牛腩，免治羊肉就最受歡迎，牛腩炆得軟爛入口即化唔黏牙，羊肉味濃滿口羊肉騷香烤雞又係另一皇牌推介，雞肉用香料，乳酪醃得入味，肉嫰多汁，係我每次必點嘅！酥油餅層次分明，香脆得嚟又煙煙韌韌，每份都即叫即煎，次次都熱辣辣，甜食鹹食都得！食物方面就超水準，唯獨衛生就要改善一下
喀什咖哩就响平日食開嘅荳品店附近，平日自己一個人嘅話就一定買份咖哩牛肉薄餅邊行邊食！二人以上就入去食豐富嘅印度餐。
位於深水埗嘅食肆有個特色，就係份量比坊間多少少。一般午餐份量一定夠飽！喀什嘅午餐有咖哩牛腩，咖哩免治牛肉，咖哩免治羊肉三款，配白飯或者2塊酥油餅，價錢都係$4X。
咖哩底用上多種香辛料配搭而成，辣味唔會太重，但味道濃郁層次豐富，口感順喉，無論配白飯或者酥油餅都係絕配！
肉類方面，牛腩，免治羊肉就最受歡迎，牛腩炆得軟爛入口即化唔黏牙，羊肉味濃滿口羊肉騷香
烤雞又係另一皇牌推介，雞肉用香料，乳酪醃得入味，肉嫰多汁，係我每次必點嘅！
酥油餅層次分明，香脆得嚟又煙煙韌韌，每份都即叫即煎，次次都熱辣辣，甜食鹹食都得！
食物方面就超水準，唯獨衛生就要改善一下
Post
