山系。本舍

Open Now

Now Closed

喺太子臨時想搵間餐廳食飯又唔想排好耐，見到山系幾有日本小店feel又有位就決定試吓。叫咗日式高湯蜆配手打烏冬（$78），燒日式豚肉醬油配手打烏冬（$88）同西京燒鰈魚配小町米飯（$88），仲有柚子油醋蟹肉溏心蛋沙律（$88）。小薯叫咗西京燒鰈魚配小町米飯，等咗一陣先整好。非常新鮮熱辣，已經去咗幼骨，好細心。魚肉嫩滑，唔會好乾，$88嚟講好抵。朋友都幾滿意佢哋嘅食物但小薯無試。柚子油醋蟹肉溏心蛋沙律好正，蟹肉份量好多，沙律新鮮，溏心蛋入味，正👍🏻👍🏻👍🏻整體嚟講唔錯，價錢實惠味道唔錯😂，但又未至於要特登嚟食，推薦比附近街坊。