赤山風味料理 (Closed)

今日嚟咗新蒲崗搵我朋友，探下佢個BB，順便睇吓附近有乜嘢好食，去到新蒲崗中心見到上面嗰層，有一間叫做「赤山風味日本料理」嘅餐廳，我同我朋友都想食日本野，所以就入咗去諗住試吓。入到去，啲位置好寬敞，同埋好整潔，店員就安排左我哋坐收銀隔離嘅位置，可以坐四人枱，好舒服。於是我哋睇吓牆上面有乜嘢優惠，見到有一個馬糞海膽做緊推廣，好平呀！$48炸，出面都食唔到呢個價錢有咁嘅質素，所以我即刻叫咗一板「馬糞海膽」！另外我哋都叫咗樣刺身食，就係「三文魚」。同埋見到佢啲「泰式生蝦」咁吸引，我哋都叫咗一碟黎試吓。啲刺身嚟到喇，個「馬糞海膽」望落去先橙黃色，感覺上都好甜，仲要配埋紫菜，梗係第一時間即刻試吓啦。點知食落啲海膽都好鮮甜，簡直係停唔到口呀！真係好想再encore，不過由於叫咗其他嘢食，所以唯有忍下口啦，唔夠5分鐘我就食晒啲海膽呀！😂另外個「三文魚」好大塊，而且切得好厚啊，好有份量，食落口都好想試，呢個價錢真係超值啊！跟住食個「泰式生煆」，佢一碟有六隻，而且擺得好靚呀，唔知仲以為去咗食泰國嘢，食落口啲煆好大隻，好爽口彈牙，真係好新鮮呀啲嘢！又係好快食晒。跟住我哋開始食壽司啦，我哋叫咗一份「蟹棒壽司」