赤山風味料理 (Closed)

放左半日假，同朋友去左行街之後就黎左呢度食Dinner，上網睇評價唔錯，價錢又OK，雖然行遠左少少，但又有時間不妨黎試下！小店的位置都幾隱蔽下，角落頭黎，六點幾無乜人，唔洗等即入，鋪仔細細，裝修就唔係豪華裝修，所以我相信佢係focus sell食物而唔係環境，牆上面貼曬食物相，仲要幾吸引呢！壽司六蚊起一件，我覺得係幾抵食，仲有左口魚同油甘魚！而友人大愛鰻魚壽司，所以必點！黎到我又覺得係幾好食，好新鮮！魚鮮味好正！左口魚入口即溶，而鰻魚油鮮味好好！飯細細舊咁，唔會因為食太大舊飯而滯左！築地刺身做緊限定優惠，而池魚未食過又想試下，果然不負眾望，呢個刺身拼盤食得過，池魚用酸汁、薑、蔥做成的醬汁加埋，個鮮味係完全保留到！仲有d香味！而蝦好鮮甜，海膽包埋紫菜好好食！仲有生蠔同三文魚腩肥美，真係好正！清酒煮蜆係隻隻蜆都有肉，唔係得殼，仲有酒香，食左凍野食返熱野會舒服！To be honest, 我都幾鍾意食日式牛肉煮法，甜甜地，有埋湯就正！今次呢個仲加埋滑蛋同金菇，可惜無白飯，唔係送飯一流！羊架都幾好食，有黑椒香味，多汁！同埋好淋！友人唔夠飽叫左個叉燒拉麵，我食左塊叉燒覺係有驚喜！厚切仲有油香，有

同朋友在荷里活廣場睇完戲，諗住食晚餐，但假期前夕，間間餐廳都好多人等位，又無咩特色餐廳，朋友就問我介唔介意行遠d入去新蒲崗搵野食，我話無所謂，上網搵下有咩「正斗」野試先，見到這間餐廳評價唔錯，我地又鍾意食日本野，一於去試下，由地鐵行入新蒲崗廣場有d遠，15分鐘路程，但好值得行，去到見到個商場比較舊，餐廳裝潢好一般，但食物水準好高，帶比我地驚喜。這餐廳食物款式幾多，我地叫左4樣野1）叉燒烏冬—-呢個原本無咩期待，只是有一個朋友不太食生野，就叫來比佢食，但又出乎意料甘好味，叉燒有點似廣東叉燒，好厚好腍，烏冬彈牙，湯底夠味。2）雜菜天婦羅—雜菜包括冬菇、茄子、蕃薯、南瓜、青椒，個天婦羅粉唔太厚，炸得卜卜脆，南瓜同蕃薯好甜3）劍魚三文丼—我好鐘意食劍魚，這個一定要試，魚生好新鮮，飯有落醋，醬汁份量剛剛好，我好少食丼會食晒d飯，今次一粒無淨。4） 壽司—我地一共叫左10款不同壽司，有三文魚🍣、象拔蚌、赤貝、粟米沙律、蟹籽沙律、鰻魚、帶子、藍鰭吞拿魚、劍魚腩同赤龍，壽司最平6蚊一件，款式唔算多，但我鍾意食的都有齊✌🏻👍🏻仲好好味好新鮮。有時搵野食真係要行遠d搵d細舖食先有驚喜，大商場好多時都係連鎖

今次是第二次食，lunch time食好多學生食，等左一陣位今次叫左牛肉柳川鍋定食、北海道三文魚丼、吉列豬扒拉麵、炸豆腐首先，牛肉柳川鍋定食好普通，是肥牛片和金菇加落壽喜燒湯，肥牛片得好少，又好散，質素差其次是，北海道三文魚丼一般，不過不失，$65然後，吉列豬扒拉麵很差，拉麵湯底沒有味道，豬扒是硬的！最後炸豆腐是滑，但沒有味道！

第一次在晚市的時間到來這家店子。先點了黃瓜手卷，新鮮製的，料亦足，酸酸甜甜，作為前菜很不錯。另外點了蒜蓉焗雙菇。牛油跟蒜泥的味道都很重，這道菜略為偏咸。亦點了雜錦天婦羅，很香脆呢，配上醬汁就更加滋味，價位也相宜

今天去來到位於新蒲崗的赤山風味料理吃晚飯.店內環境闊落舒適,十分適合多人一起到來飯聚.員工服務十分良好.先試了炸蝦手卷,手卷飯粒軟硬適中,炸蝦炸得十分香脆,香口但不油膩,十分開胃,值得一試.之後叫了三文魚魚生丼,十分足料的三文魚,同時十分新鮮.十分具水準,喜歡三文魚的朋友絕對要一試,整體表現十分好,價錢經濟,推薦一試.

是晚本來打算食放題，點知想Go show book台間間都要9點後，咁最後唯有搵間質素好少少既日本料理食下，target九龍非旺區，一試就愛上赤山壽司最平做緊6蚊件，選擇唔算太多，但一定會令你滿足玉子壽司，三文魚壽司，巨鰻壽司，海膽壽司，北寄貝壽司，火焰左口魚壽司，松葉蟹棒壽司~帶子同海膽都好新鮮！左口魚竟然有3片，最失望係松葉蟹棒，因為佢只係好普通既蟹柳燒三文魚鮫定食~我至愛，三文魚鮫有4件，每件都燒得好香，亦都好肥美，側邊伴有沙律，減返d油膩感，重點菜都好新鮮赤生魚生飯~呢個又係不得了，魚生好新鮮，d飯係有落醋，好美味！！刺身有2大片3文魚，帶子，海膽，甜蝦一大隻，三文魚籽，我一路寫食評已經不斷諗幾時再食過我好欣賞呢類小店，waiter全部都好有禮貌，中間會不斷幫你refill熱茶，睇得出呢度都係熟客多，位置雖然偏僻,但keep住有客人到，實力一定有返咁上下，先會令人咁難搵都會黎

新蒲崗食店不少，但不熟路，行左很久都大多是門面差的茶餐廳。居然這日本店，就試試。叫了赤蝦小柱丼，賣相都不錯。兩大大隻的赤蝦，吃了一隻都滿足了。還有厚切的三文魚，又厚又大件。付上一堆小柱。整體來說，$65冇加一，刺身的份量是抵食的。質素也不算差，不覺得腥或霉。另外叫了吉列豬扒定食同牛扒定食。這兩款都擺放了芝麻醬的沙律菜😋。值得一讚是，平時價錢不高的食店，其定食的沙律質素很參差，但這店的沙律菜看落都新鮮。吉列豬扒炸得脆脆的，但不會太硬。牛扒，送來時很香，很有肉汁，但略靭一點。最後還叫了雞扒烏冬，雞扒就冇咩特別，不見香煎的香，烏冬是讚歧烏冬，兩個仔都很滿足，仲叫我一定要寫食評讚這店。上述四個餐，埋單$210。真的很抵👍

間餐廳係新蒲崗商場二樓, 上咗二樓見到補習社同其他小鋪就有啲懷疑有無行錯,皆因似屋村商場仔個啲,唔似有餐廳,更何況仲要超平日本餐。轉落角落見到二拉架就知無錯係佢啦! 好一間隱世餐廳!叫咗個鰻魚飯,作為一個鰻魚粉有鰻魚哪嘅地方就會有我鰻魚厚切 相比其他餐廳佢嘅厚度都唔薄 望落好大塊 雖然我唔係叫原條鰻魚飯 但個鰻魚size都合格一個好食嘅鰻魚飯除咗有大大條嘅厚切鰻魚 仲有就係個有咬口嘅米同濃郁甜度啱啱好嘅燒汁可能個人口味我prefer甜啲嘅燒汁但整體嚟講如果黎新蒲崗一定係嚟呢間因為仲有好多lunch set 三文魚個啲可以試

It is truly a super affordable lunch. The set includes mains and drinks.Choices varies from sashimi, don, to  japanese hot-pot, tariyaki, curry, noodles, etc.I picket the assorted sashimi set of the day while my friend had a tariyaki with egg, we also ordered a roll to share.Sashimi set Had six kinds, each with two pieces. I liked the tuna best, the scallop was alright but the rest lacked the sweetness from fresh sashimi.Tariyaki with egg Got quite a generous portion of mushroom in it. The beef

星期五放工諗住搵下有咩日本餐廳好食，見到呢間多好評，又抵食，就揸車入黎諗住enjoy Friday night。入到間餐廳，已經覺得有d伏，茶餐廳裝潢但食日本料理。不過都算，諗住卧虎藏龍。我地叫左刺身，生蠔，海膽，三文魚茶漬飯，清酒煮蜆，各種壽司。生蠔-算係最好食，都算新鮮刺身-食第一塊三文魚已經即刻望住男朋友，大家都覺得好難食。刺身唔新鮮，只食到雪藏味，食爭鮮都好過佢。海膽-做緊特價，叫黎試下。shit, 苦既，應該係我唔識欣賞，鍾意食苦海膽可以叫黎試下。三文魚茶漬飯- 其實知唔知咩係茶漬飯，我以為自己食緊湯飯。清酒煮蜆-d蜆點解可以咁嚼成餐飯都好難食，好想快d食完快d 走。仲要返到屋企肚痛痾左幾次。我唔明點解咁多好評，係咪請打手做返黎，定係我地咁黑仔？

小時候媽媽同d街坊姨姨成日帶我黎呢個地址食日式放題，過左咁多年，餐廳已經轉左幾手，放題亦都冇再做。而家既赤山晚市得番散叫。上網見到有唔少食評試佢個鰻魚飯，所以專登黎懷緬下。因為午餐食得太飽😂所以最後都冇叫鰻魚飯，惟有下次再試啦。我地叫左赤龍卷，海鮮湯拉麵，同蒜蓉焗雜菌。總共唔洗二百蚊，都食得飽飽。赤龍卷上面有蝦，海膽同蟹子。有幾件壽司既海膽有點苦，不過都可接受既。蝦頭有好多蝦膏。海鮮湯拉麵味道街坊式，普通，不過不失。蒜蓉焗雜菌，牛油味重過蒜蓉😂

一個魚生飯$60、70就有交易，真係好抵食佢隻蝦又好大隻，三文魚&吞拿魚各兩片，蟹柳棒有兩小條，都夠食，我中意佢既壽司飯，酸酸甜甜，好好味，而且暖暖地唔係凍！另外個豬扒拉麵，不過不失，個豬扒都好冧，唔會咬唔開，但個湯底就一般，無咩特別！炸豆腐好滑好清，岩我食！炸餃子🥟一般，外皮好硬，餡料沒有特別！金菇肥牛卷我覺得咸得濟！個生蠔用芝士焗好味過用蒜蓉燒，甜啲香啲好味啲！總括而言，可以再食！但留意佢有落場時間，下俾3點就落場，無問到幾點開返！

去mikiki行左陣後，諗住都係附近食，平時都會走左去七喜小廚度食粥，今日竟然想食壽司就搵到呢間赤山料理。室內環境寬敞，一入去就”二三些”咁歡迎我地店內員工都好熱心有禮我地叫左呢個赤壽司新鮮 而且搭配好得宜 呢個價錢仲有些小海膽🤤🤤🤤好正 之後再黎壽司，想講價錢真係贏曬，仲要平得黎真係好食特別推介鰻魚壽司 鰻魚汁香甜火炙三文魚帶子亦都好新鮮好吃 反而三文魚壽司就略有小小失色。好厚肉🤤🤤🤤加上沙律醬 唔會太漏而且口感豐富👍🏼抵食好味👍🏼👍🏼👍🏼

餐廳位於新蒲崗廣場內，店舖不大都很易找到。午餐去食五品盛刺身，有牡丹蝦，三文魚，章魚，油甘魚，北寄貝。刺身份量適中同新鮮。另外點魚膽丼，有三文魚，牡丹蝦同海膽。海膽用加拿大海膽，食落啖啖海膽好鮮味，唯一不好就係個飯多左醋偏酸，仲附送麵豉湯及柚子茶。平時想食刺身或熟食都有，價格相宜，午餐或下午茶時間會更抵。

2017-10-06今日同我老公慶祝生日，選咗此間餐廳食日本菜。地方唔大，細細的商場舖，就比較靜啦！首先坐低直叫油金魚刺身1份，我老公最like, 佢都話唔錯，所以再encore 。另外有order 牡丹蝦、赤貝、帶子、加拿大海膽，真唔錯好新鮮！海虎天婦羅，就麻麻地！厚切牛脷，我老公話真係好好食牛油果軟殼蟹卷，比較一般，可能去到尾聲已經飽晒，有打包走！整體係唔錯，一定要食刺身。下次再去試食生蠔⋯⋯