Video
Read full review
2010-02-16
43 views
我一向都最鍾意食唔同口味既野, 最近參加左一個朋友既Party, 真係估唔到係荃灣都有一間咁好食既快餐店, 佢地最近供應既到會套餐真係相當抵食, 有我最鍾意食既鮮果沙律同埋芒果布甸添, 套餐仲有什菜沙律, 和風沙律(碎蛋粟米), 菠蘿串鴨胸同埋腸仔, 台式蘿蔔糕, 所謂既秘制醉雞翼, 招牌酸辣湯, 茶葉蛋, 仲有佢地最標榜既各式自制三文治, 最誇張就係仲有三種唔同口味既意粉(黑椒牛肉, 鮮茄肉醬, 白菌雞柳), 飯後甜品仲有水果盤同埋啫哩糖添, 嘩! 真係夠晒誇張, 餐單話18-22人份, 仲只係收$1,288, 我地成25人都食唔晒, 真係懷疑佢地有無錢賺!? "小倆口": 真係要向你地寫個"服"字! 如果唔係朋友教我上OpenRice, 我都唔知點同大家分享呢D美食, 講番套餐既美食先:- 以我口味最鍾意就係D鮮果沙律, 你地睇到相之後, 都流晒口水啦! 真係好少D到會選用鮮果咁重本架! 認真抵食!- 仲有佢地既酸辣湯真係招牌之選, 酸味同辣味適中, 用料有肉絲, 磨菇, 筍絲, 豆腐, 黑木耳同埋D蛋花, 係我食過最合胃口既酸辣湯!- 黑椒牛柳意粉大盤夾好味, 加上爽口既黃,
如果唔係朋友教我上OpenRice, 我都唔知點同大家分享呢D美食, 講番套餐既美食先:
- 以我口味最鍾意就係D鮮果沙律, 你地睇到相之後, 都流晒口水啦! 真係好少D到會選用鮮果咁重本架! 認真抵食!
- 仲有佢地既酸辣湯真係招牌之選, 酸味同辣味適中, 用料有肉絲, 磨菇, 筍絲, 豆腐, 黑木耳同埋D蛋花, 係我食過最合胃口既酸辣湯!
- 黑椒牛柳意粉大盤夾好味, 加上爽口既黃, 青, 紅椒同埋洋蔥, 真係幾冶味架
- 最後就係果盤芒果布甸, 除左芒果肉超多之外, 估唔到仲有菠蘿同椰果係裡面添, 咬口超爽, 味道特佳, 甜度適中!
- 蘿蔔糕就差少少囉, 覺得D粉太多, 不過味道尚可, 另外磨菇雞柳D芝士味太重, 所以有D鹹, 茶葉蛋就相當入味, 醉雞翼都幾啱我食, 夠晒醉囉!
因為太多野食, 我都無食晒所有既野, 最後D師奶朋友仲帶晒返屋企添, 可惜既就係無試過佢地既招牌三文治, 所以第日又去左"小倆口"試吓其他野, 係老闆細心既推介下, 我買左一個總裁牛肉堡, 一個燒肉熱狗同埋佢地既招牌三文治--養生王子地瓜呢! 呢幾樣野果然無令我失望, D牛肉同芝士真係幾好食, 肉汁又多, 沙律醬既甜又酸都幾特別! 燒肉原來即係薄豬扒, 都幾入味添, 漢堡包同熱狗包都係全麥芝麻包, 好鬆軟既感覺, 幾好食呀! 至於果份三文治就比左老婆第日做早餐, 老婆話太大份食唔晒添, 不過佢話都幾好食, 特別係麥包好少會保持得咁鬆軟架!
如果大家唔覺得"小倆口"地點吊腳既話, 就不妨去幫襯試吓啦!
Post
