麵鮮醬油房周月 (景隆街) (Closed)

之前經過見到呢間日本麵鋪門面幾靚已經想試試。呢間鋪頭以醬油做賣點同特式整拉面同沾麵，所以叫左個醬油沾麵做午餐試試。沾面嚟到賣相平平，麵底份量普通，口感同出面食既差不多。餸方面佢淨係配左半隻糖心蛋，唔太豐富。最重要既湯底係有番啲醬油風味，不過有啲過鹹，唔飲湯淨係用嚟沾麵都係太鹹。湯入面有啲炸咗既小豚角，感覺有少少雞肋，佢係增添左少少炸豬油香味不過又食唔落口，唔知點食好。今次食完好口渴，事後要飲番好多水。