秋嵐日本料理

Open Now

Now Closed

話說今日同同事遲咗出發食晏, 點知附近唔少食肆都已經full…唯有行遠少少去咗東匯坊兜下睇邊間餐廳有位, 最後入咗呢間”秋嵐日本料理”。餐廳內地方企理, 座位唔算闊落,lunch menu 款式都幾多, 不過價錢偏貴, 有如dinner嘅價, 不過如果質素好都叫做可接受,order 了一個刺身飯, 一個熱食lunch set 跟前菜、沙律、蒸蛋、湯,前菜係幾條芽菜沙律就只有菜+一粒開邊蕃茄仔, 食落好寡, 少少醋都冇蒸蛋入口即化, 不過唔夠滑, 老咗D極上北海道魚生丼御膳: 呢個丼飯價錢貴, 加埋一成$180個, 有赤蝦、海膽、三文魚、三文魚子、帶子、松葉蟹肉,一望就知海膽唔新鮮, 瘀瘀黑黑, 好彩未至於臭啦。三文魚呢d平價魚都薄切, 帶子唔厚仲要開邊, 赤蝦鮮甜, 但有蝦腸; 蟹肉明顯係蟹柳撕出黎。整體感覺完全唔值!吉列黑豚御膳:吉列黑豚即炸, 外層唔油又香脆, 肉質幾嫩, 配有一個熱辣辣白飯, 不過成個set 加埋一都要一舊水, 似乎又係偏貴。