日本野 (Closed)

早排朋友約我食飯，我話想食日本嘢，佢就提議去食日本野，佢話因為日本野啲日本嘢用料新鮮，而且價錢唔貴... 一路傾時我都係黑人問號，講咗好耐先知間餐廳叫日本野😂。和牛壽喜燒定食 配烏冬 $188 壽喜燒應該無人唔鍾意食，用上和牛更添油香，雖然咁平嘅價錢一定唔係最最最靚嘅肉，但都油花豐富，過吓口癮唔錯。極上七品刺身 $328 去日本餐廳刺身拼盤真係唔叫唔得，雖然呢到係fix死刺身配搭而唔係寫時令刺身，但用料都非常新鮮，特別要大讚油甘魚，厚切之餘入口即化，雖然刺身拼盤無拖羅，但呢個嘅油香係可以替代到拖羅🤤。三文魚子壽司 $32、火炙帆立貝壽司 $52 散叫咗少少壽司，三文魚子好出色，又鮮又重鹹香，口感好爽。火炙帆立貝略嫌唔夠肥美，肥啲嘅話燒完更香。炭燒牛舌串 $38 調味啱啱好，炭燒完又爽口又惹味。炭燒茄子 $18 唔明白點解可以咁平😂 不過食落調味唔夠重，個人覺得一般。炭燒大啡菇 $36 呢個都係還好，係朋友鍾意食先叫，味道較淡。鰻魚炒飯 $108 用料都幾足，食落蒲燒汁嘅味濃，而且都幾大碟。Pina Colada $98/jar 好抵叫，飲落覺得酒精含量比較少，但椰香好正，易入口啱哂一