泉章居 (Closed)

星期日夜晚超多人。看到餐牌有D驚，因為比一般酒樓貴好多，平均每樣都要100+。後來有位姐姐比張粉紅色嘅套餐紙我地，叫左6人套餐，一隻招牌鹽焗雞同4個小菜。送一煲例湯，有好多花生同雞腳，叫做抵返條數。鹽焗雞唔記得影相，好滑，好入味，而且唔會好鹹。柱候牛腩煲就鹹少少，但牛腩好多，D汁送飯一流。梅菜扣肉都好多，而且梅菜冇渣，都係送飯一流。豬扒彈牙新鮮，唔算突出。仲有炸鮮奶冇影相，食落口係凍嘅不過口感好滑好濃郁。最後仲有個客家炒飯，飽飽地冇乜試清楚個味。但其實D菜應該配白飯會好D。埋單平均130，算係比一般酒樓貴20~30%度，但味道係有保證。都可以有下次。