筷賞 (Closed)

以前嘅郵政局喺Tko Gateway翻新後變成小餐廳小食舖或店舖，其實間唔中都會嚟呢度買烘焙用品但就無喺呢啲舖頭食過嘢，其中原因係呢度食肆多數都係外賣或者座位較少。今日又係有烘焙用品要買就捉咗兩個同事陪我嚟呢度食嘢。揀呢間原因係位置算多，食物選擇都算多，價錢都幾抵。當日午餐下午餐我哋都無揀，揀咗餐牌上其他食物，因為涷飲都只係加$3，我覺得食物味道一般，份量正常，價錢合理。牛乳滑蛋蓋飯配蒲燒鰻魚，蛋夠滑，鰻魚質素麻麻。金菇肥牛炒烏冬，顏色同味道都淡咗啲。大蝦海鮮忌廉煮意粉，隻蝦唔係大蝦同埋好乾，有啲八爪魚仔喺意粉，味道可以。