筷賞 (Closed)

因為工作既緣故，幾日後再臨坑口，朋友揀左另一間TKO Gateway內的餐廳 - 筷賞地點都就腳既，因為TKO Gateway都近坑口站，就係地下果層街市旁一個集中左好多食肆既區域。環境大致整潔，灰色水泥地，裝潢以黑白灰做主調，深啡色木枱，部分枱與枱之間有藤木屏風相隔，天花無特別去裝假天花遮住喉管，有意／無意地營造出工業風格。服務就尚可啦，收銀員都nice，茶餐廳的話，個人唔要求伙記會客客氣氣食物方面，選擇眾多，碟頭飯常餐湯烏冬粉麵樣樣齊，簡單概括就係大件夾抵食。我揀左牛乳滑蛋蓋飯 配 牛扒 轉意粉，味道中規中矩，但四十幾蚊大大碟包埋野飲，CP值高。朋友點左一個日式炒烏冬，無影到相，味道中中庭庭不驚豔。另外點左個西多士，呢個西多要讚，因為佢好食過好多茶記出品既西多，重點係一啲都唔慳家，夠多醬多牛油多煉奶，食到佢裡面搽左大量花生醬！埋單齊頭＄120， 食到捧住個肚走，適合長期糧尾人士。

lunch time係坑口，唔想食太貴多數都會去幫襯呢間。抵食之餘又夠快，而且食物質素都幾好。快餐餐牌日日都唔同，就算日日lunch黎 都唔怕冇選擇👍。餐廳入面都算多位，就算要等位都唔花太多時間，而且仲有吧檯for單人食客。白汁炸魚柳意粉 $42 送餐湯 凍飲+$3埋單都只係$45 已經食得好飽意粉有撈茄醬輕炒，就咁食都已經夠味。白汁明顯太多，連塊肉都見唔到😂。炸魚柳&凍啡都係一般茶記水準。但呢個價錢真係好抵食😋值得推介。

今日去開將軍澳嗰頭，就去咗最就近嘅TKO Gateway解決午餐~ 由於商場地下果層food court得好少餐廳可以坐低食，於是就揀咗呢間良心店。我叫咗一個常餐，黑豚豬扒烏冬，轉烏冬要加兩蚊，$44包埋熱飲同埋火腿奄列蒜蓉多士，價錢都算合理。黑豚豬扒算稔，烏冬正常, 起碼唔係平價烏冬, 加埋個奄列多士同埋野飲，份量都唔少，女仔食都會幾飽下。呢間餐廳勝在上碟好快，啱晒啲趕時間嘅朋友，但就唔好對食物嘅味道有太大嘅期望。

今日打咗兩場波3-4 單車館5-6 坑口中間有一個鐘頭時間咁梗係同frd去 Chopchop食嘢啦！佢哋都係第一次去，佢哋本身食咗lunch所以剩係一人食一個包🤭佢哋兩個比嘅評價都係：「好好食」！煙三文魚都唔少，仲要係沙律菜🤪$28 仲要送熱飲🤭我就冇食過任何嘢就去咗打第一場波，咁中間一個鐘時間梗係去食我最愛嘅滑蛋牛扒！不過今日唔想食飯就食咗意粉😜意粉除咗林咗啲之外都好好食！唔想食飯可以試吓轉意粉或者薯條，我實証過兩樣都唔錯㗎😌牛扒食落唔似有比鬆肉粉乸過！仲有好多肉汁🫶

良心小店，除左主餐牌，日日都會有唔同既ABC餐供應，價錢親民，跟湯跟餐飲。唔使落街睇餐牌，唔使打電話問咩餐，只要追蹤佢地社交平台 就知個日會有餐食，岩哂我呢d心大心細加懶人。每次叫我都會叫餐食因為只有ABC餐先有餐湯跟， 個羅宋湯真係好好飲，單點好似十幾蚊（試過有次好想飲，叫左碗）。食物質素，份量，衛生等等都好好，飯，意粉，薯菜任你揀！仲要咁親民既價錢真係唔係周圍有，所以都真心推介！ 絕對要支持👍🏻

是日在婆婆的家午餐，表弟發板叫筷賞的外賣，點了兩份牛乳滑蛋蓋飯餐﹑勁量讚岐烏冬餐及西班牙汁豬扒併炸合成蟹鉗意粉，意粉餐還跟配餐湯﹑炒蛋及多士。牛乳滑蛋蓋飯，我選了黑豚豬扒。飯量好多，豬扒亦很大塊！蓋著白飯的滑蛋超滑溜又香，面層還澆上了茄汁，酸酸甜甜的，可惜是白飯底而非炒飯底，滋味感稍減！黑豚豬扒大塊得來有咬口，肉質不會韌。安格斯牛扒那份則加了蒜蓉汁，味道稍為惹味一點。牛扒都大塊，但稍為薄身，味道尚可。勁量讚岐烏冬配香煎雞扒，雞扒好脆好香口，豬骨湯底鹹淡適中，烏冬亦夠爽滑。西班牙汁豬扒併炸合成蟹鉗意粉，配炒蛋及多士，炒蛋不及牛乳滑蛋的滑，但也未至於太老。意粉同樣爽滑，不會糊糊的，而且西班牙汁的酸甜令人開胃！！餐湯叫白雪公主忌廉湯，名就好聽，但這是整頓午飯中最難食的！忌廉湯又粉又稠，糊糊的，好難喝！！凍鴛鴦，略略帶咖啡香，口感又夠滑，不錯啊～～～外賣都只是人均60多元，堂食的話應該都是大件夾抵食的！

我叫咗一個牛扒薯條配玉子外賣嘅。優點唔多就講咗優點先啦：～ 份量都算大嘅，有牛扒有薯條有蛋咁。價錢都算抵食。唔介意質素，鍾意抵食夾大件嘅都可以試下伏嘅缺點嘅話就一大炸啦：～ 原來所謂嘅玉子係一隻煎蛋。係！蛋的確係玉子嘅，但係寫得玉子好容易俾人誤解係滑身嗰啲日式玉子，而唔係煎蛋囉。文字上真係有啲巧立名目😵‍💫令人無語⋯⋯～ 牛扒薯條就配蒜蓉汁。啲薯條完全浸晒落嗰啲蒜蓉汁到，成件事變到淋曬。塊牛扒好明顯落得好多鬆肉粉，真係入口即溶，食完都唔知自己食咗啲乜咁。成兜野真係可以用是但求期咁形容。唔會再食！

曾經有段時間當左tko gateway既筷賞變左每日飯堂。不如已經好一段時間係呢頭，今日經過，就食返個lunch先走。雞扒炒烏冬，油左少少，不過味道唔錯，雞扒切開幾塊，份量都夠。仲有啲菇同三色椒做配料，唔會好單調，色香味俱全，大份抵食！

tko gateway有好多野食，價錢又平民。呢間chop chop每日都日幾款是日精選。不過今日唔係叫精選，而叫左份雞扒滑蛋飯，雞扒勁大件，啖啖肉。滑蛋火喉控制得好，真係滑。份量多，抵食又飽肚。

/89/💛#hangry將軍澳 #hangry港式 #hangry茶餐廳 #hangry外賣 #hangry良心食店 #hangry飲食指南 #hangry新界食過呢間完全顛覆左我對港式茶餐廳😲本身對茶餐廳期望唔大，不過呢間好味得黎又勁大份😋😋仲要幾乾淨企理，如果大家經開將軍澳都可以試吓呢間😂==============================🍴筷賞 📍將軍澳常寧路2號TKO Gateway地下EF06號舖 ⏰星期一至日 11:00 - 21:30==============================1️⃣【XO醬西蘭花炒牛仔肉(配飯)🐮】$52一打開盒飯🍚哇，超多餸！西蘭花同牛肉嘅比例差唔多，西蘭花🥦食落爽口，唔係白灼，係有調味嘅西蘭花👍🏻牛肉炒得好有鑊氣，食落又淋一啲都唔韌😋(🔥怒食指數：8.5/10).2️⃣【忌廉湯】跟餐附送最驚喜係個餐湯🍲餐湯係忌廉湯，原本以為係普通茶餐廳嗰啲溝粉嘅忌廉湯，點知飲落好好味🤤好濃味，入面仲有啲紅蘿蔔🥕同火腿絲😚(🔥怒飲指數：9/10)==============================🔥評分：環境：-/10 味道：8.8/10性價比

琴日屋企冇煮飯，自己一個人落咗去餐廳度食dinner😆😆坑口依家筷賞係我成日去嘅食店，因為真係好大份又抵食！🍝牛乳蛋蓋安格斯意粉 $42可以揀飯或者意粉而次次都會揀意粉因為佢啲意粉係有番茄撈埋嘅唔係純粹淨意粉🍝🍳蓋蛋飯係滑蛋 同樣係超大嘅滑蛋cover咗啲意粉而安格斯牛扒都幾大嚿食落去都好淋😋😋不過有少少油但都可以接受總結📝📝$42食飽仲包熱飲，係將軍澳來講真係算係平民之選！評分時間～5隻👍🏻最高😉味道：👍🏻👍🏻👍🏻👍🏻服務：👍🏻👍🏻👍🏻👍🏻價錢：👍🏻👍🏻👍🏻👍🏻環境：👍🏻👍🏻👍🏻👍🏻地理位置：👍🏻👍🏻👍🏻回頭機會：👍🏻👍🏻👍🏻👍🏻📍筷賞 (將軍澳)將軍澳常寧路2號TKO Gateway地下EF06號舖

坑口foodlane既筷賞出名大碟夾抵食，味道又好，食左不下幾十次，第一次幫佢食食評！雖然茶記格局，但菜單食物類型極之新穎，大約有蛋蓋飯/意粉/薯菜搭扒類，烏冬，咖哩汁餐，多士，小食，款式都好多，好難盡錄，我又忘記影低meun(因為個meun我已經識背😆食得太多次）另外每日都有3-4款精選lunch /dinner set, 連飲品同湯都只係$45-60，真係抵到唔知點形容，份量又多，完全係良心店！！

二零二零年九月中的「星期二」下午，香港整天的天氣十分不穩定，大部分都有下雨，雨勢在「新界東」，尤其是面向海景的「西貢」更為顯著，「香港」當日雨量超過五十毫米，「西貢」雨量更誇張到超過一百五十毫米。我在下午先在「西貢」坐小巴前往「坑口」，再轉乘「港鐵」前往「旺角」，「旺角」當時雨勢已經是很大，所以我沒有走上「旺角」路面，直接在「旺角港鐵站」大堂裡面購買「咖喱牛腩飯」，直接坐「港鐵」返回「坑口」。回到「坑口」的商場裡面之後，我又要為晚餐裡面，屬於「雞肉」那一部分的餸菜食品而操心，一路在想「坑口」商場裡面，還有什麼食店有獨立發售「雞肉」餸菜食品，可以供我選擇呢？結果我由「坑口」港鐵站出發，沿着「連理街」商場、「東港城」商場一路遊走和搜索，始終還是找不到一間，可以外賣自取雞肉熟食食品，而我之後又未曾光顧過的「坑口」食店。結果我決定前往「領展」商場「TKO Gateway」，在街市旁邊的「美食廣場」所有食店裡面繼續發掘，那裡應該會有機會找到適合我光顧的食店，和可以讓我選擇購買的「雞肉」食品。當然，適合我在「星期二」晚上享用的「雞肉」食品，肯定沒有可能無端端出現在潮州粉麵茶餐廳食店裡面，結果我繼續

好耐冇嚟過茶餐廳啦，呢間係將軍澳區內，仲要係黃店嘅茶記，去開坑口就支持下🤩💛下午茶時段嚟到，餐廳冇乜人～·💛雞扒火腿米粉 $30茶記下午茶食嘅嘢其實都幾頹，不過勝在又平又大份👍🏻$30呢個價好多連鎖嘅茶記都做唔到😗煎雞扒好大塊，份量取勝，但我最後都食唔哂😅·💛牛扒雪菜秋葵火鴨絲米粉 $30媽咪就叫左呢一款，要知道價錢咁平塊牛嘅質素係點嘅，媽咪話落咗好重梳打粉嘅感覺，食到口那那地🤔不過$30有牛扒食仲想點啊🤷🏻‍♀️，仲要咁大塊，都係份量取勝，但都係食唔哂🤫🤭·🌟總結：呢間性價比高，價錢平分量多，係街坊飯堂，住喺將軍澳區嘅街坊可以一試，住其他區嘅朋友就唔使特登嚟啦😂😂

煙三文魚雜菜包，大愛係廚房即焗完，即出包既皮係卜卜脆，熱呼呼的裡面仲有牛油，雜菜，沙拉醬，表面放上大大塊三文魚兩大塊啊！兩大塊啊！兩大塊啊！重要既野要講三次。入口包脆而香，餡料十足，口感豐富！大師級水準，平民代價錢食到，真心覺得好抵！另外安格斯牛排滑蛋蓋意粉，只係42蚊滑蛋大大塊，牛排係軟而有牛味意粉係番茄汁炒過，特別香口，開胃！真是覺得好好好好好好好好好好好好好好好抵大件，抵食！連我平時好少打食評，都忍不住上黎讚一讚支持100分用心經營的小店！