Video
Read full review
2017-10-10
411 views
價錢合理 特色車仔麵今日難得有時間，可以去佐敦接男朋友放工，一齊食lunch，於是去左佢返工附近既麵麵店！我地大概兩點鐘去到，未見有太多人，餐廳裡面有好多空位，所以位都唔駛等！環境舒適 座位數量多餐廳裝修簡約，雖然唔係好大，但用無圓木凳既緣故，所以有好多位。車仔麵餸選擇多元化車仔麵由麵底,配餸到湯底，都有大量選擇。麵方面，少見既粉絲同檬粉都有！而配餸就有罕見內臟，例如豬心,牛肺,牛膀，同埋齋類既餸，例如酸齋同咖哩齋。至於湯底就有薑酒湯同沙爹等選擇。食物質素尚可 惟湯底缺驚喜＄46 ＋＄6 4餸車仔麵 （豬紅/墨魚卷/魚肉春卷/豬腸）（薑酒湯）＋ 凍咖啡 呢個4餸車仔麵整體嚟講味道唔錯，最重要每款餸嘅份量都唔算少，$46可以話係超值!首先佢嘅豬紅都算入味而且都夠滑口，唯一美中不足就係比較細舊。豬腸都唔錯，唔會話洗得唔乾淨。相對魚肉春卷同墨魚卷就比較失色，雖則都入得口但係唔會特別推薦。最後想講一講個薑酒湯，味道比例特別但係薑味唔夠重，而且個人認為唔係每樣餸都可以夾到呢個湯底，建議想試呢個湯底嘅朋友要諗埋夾咩餸先好叫。＄45 麻辣豬排撈麵 ＋ 紫貝天葵 份量足夠，配菜亦多，有芽菜和木耳
今日難得有時間，可以去佐敦接男朋友放工，一齊食lunch，於是去左佢返工附近既麵麵店！我地大概兩點鐘去到，未見有太多人，餐廳裡面有好多空位，所以位都唔駛等！
環境舒適 座位數量多
餐廳裝修簡約，雖然唔係好大，但用無圓木凳既緣故，所以有好多位。
車仔麵餸選擇多元化
車仔麵由麵底,配餸到湯底，都有大量選擇。麵方面，少見既粉絲同檬粉都有！而配餸就有罕見內臟，例如豬心,牛肺,牛膀，同埋齋類既餸，例如酸齋同咖哩齋。至於湯底就有薑酒湯同沙爹等選擇。
食物質素尚可 惟湯底缺驚喜
4餸車仔麵 （豬紅/墨魚卷/魚肉春卷/豬腸）
$46
64 views
0 likes
0 comments
呢個4餸車仔麵整體嚟講味道唔錯，最重要每款餸嘅份量都唔算少，$46可以話係超值!
首先佢嘅豬紅都算入味而且都夠滑口，唯一美中不足就係比較細舊。豬腸都唔錯，唔會話洗得唔乾淨。相對魚肉春卷同墨魚卷就比較失色，雖則都入得口但係唔會特別推薦。
最後想講一講個薑酒湯，味道比例特別但係薑味唔夠重，而且個人認為唔係每樣餸都可以夾到呢個湯底，建議想試呢個湯底嘅朋友要諗埋夾咩餸先好叫。
麻辣豬排撈麵
$45
35 views
1 likes
0 comments
份量足夠，配菜亦多，有芽菜和木耳，但主角--豬排略嫌太乾，應該係炸得太耐。至於麵方面，選用左油面，軟硬適中，辣度亦適中，但略顯麻味不足。整體而言，仍算唔錯，而且包一杯餐飲，非常實惠。
至於餐飲就選擇左紫貝天葵，一般餐廳比較少見，味道酸酸甜甜，似少甜版既利賓納，可以一試！
價錢合理 值得再去
以午餐黎講，價錢合理，四五十蚊有麵有野飲，而且環境舒適，值得再去！而且服務唔錯，咖啡唔夠冰，侍應即刻比左一杯冰我地！下次會想試下佢既小食同埋醉雞！
Post
