麵麵店 (Closed)

好耐冇食，今日再度幫襯，點了2個麵 + 山楂冰：1）麻辣蓮藕魚片頭沙葛餃紫菜米粉2）麻辣蓮藕蘿蔔冬菇鮮腐竹米線- 魚片頭好硬，無味而且好似食橡膠咁- 沙葛餃有酸味，好似變左質咁，而且一咬落去就散晒，感覺好唔新鮮，完全唔似自家制- 蘿蔔好硬，未煮好咁款食材質素真係下降左好多，完全變左一碗好普通嘅車仔麵，唯一keep倒係個湯同辣菜甫，整體感覺失望，因為以前真心覺得好食，星期六日會特登出去佐敦食相信一輪都唔會再幫襯...

本身都會同同事食開，不過最近鋪面有陣怪味。以為，轉叫外賣，返公司食就唔影響食慾。點知，膠袋內外、膠杯上、膠餐具，上面既倒汗水都充斥住果陣怪味。老老實實，食物好味，種類又多，辣味又夠，服務都好。不過，唔改善陣味 ，我寧願食返M記。本身都會同同事食開，不過最近鋪面有陣怪味。以為，轉叫外賣，返公司食就唔影響食慾。點知，膠袋內外、膠杯上、膠餐具，上面既倒汗水都充斥住果陣怪味。老老實實，食物好味，種類又多，辣味又夠，服務都好。不過，唔改善陣味 ，我寧願食返M記。

見行開呢頭，上網揾下有咩食，睇相好似幾吸引，所以揾左好耐先行到黎呢度，一入去有少少嗅味，真係唔知咩味，塊餐牌爛容容，群晒黑邊都唔多想掂，算啦，叫左車仔麵，粉絲，沙嗲湯底。。一試，個湯清水咁一啲味都冇，沙嗲冇沙嗲味，成碗嘢得個辣字，餸就一般，冇特別。。總括黎講個湯底完全唔得，所以搞到成碗嘢都唔好食。

我从来对名人开的食名从来不抱期望，今次也没有打破宿命。但也不想抱有偏见。粗面欠口感，可能煮过头或没过冷河。牛腩片像乾烟肉，没汁水没味道， very bad idea for this item! 滷豆腐又硬又不入味。九菜蛟未吃先断开，皮一点口感都没有。一般蛟子皮的通病！公度点，价钱不贵，但市面车仔面那么多，我为什么要回来？！综合各方面食材味道做功，很一般！老板经常外面拍摄吃偏天下，自己开店这样出品，反差太大！还未吃就断开，什么皮？这价钱我会去荃湾 牛栏吃牛什面$32, 下面2:30后还有浓味豆浆！

來到佐敦當然要去小巷搵野食啦~呢間好似係小儀開架...搬左鋪後都無食過~自作聰明咁諗46蚊4款當然叫晒最貴的~唔知係唔係真聰明...4款最貴既撈埋一碗!其實無咩特別...唔知比咩評語~不過份量都唔會話得2-3舊既~可以好似我咁叫碗清湯同朋友share~清湯~好清好清~清過譚仔呀!墨魚卷同南記既好似..都好有咬口好好味~必叫!總結:路過又唔想食譚仔可以一戰!但應該食譚仔會飽肚一點....呢個份量真係好少好少...但46蚊有野飲真係算係咁了~

開咗咁耐住咗喺度咁多年都未試過 今日經過就試下啦 點知有點失望， 咖哩魚蛋超實， 好似未熟 完全唔彈牙， 魚片頭凍既仲有骨( 因為插咗落我牙肉), 碗麵就真係好大碗啦。。 如果純粹填飽個肚嘅， 可以食囉，但我唔會再有下次。 因為隔幾條街碗車仔麵平佢好多仲好好味添。

約咗朋友食飯佢神神秘秘帶咗我嚟呢度原來係食車仔麵車仔麵成日都食品質卻很參次有啲注重湯底有啲注重招牌餸而呢一間我覺得係幾新奇嘅同埋係高質嘅我已經唔覺得佢係一碗車仔麵咁簡單原來小儀都有推介過佢都好多餸揀其中我今次個湯底係酒醉湯底其實都幾特別我對佢個麻辣蓮藕都好深刻都辣但真係好香同埋幾好咬佢個酸齋更加出色平時嗰啲好淋好酸但真係冇諗過原來酸齋可以脆脆地其實我都第一次配車仔麵食出奇地意外地好夾朋友叫咗個豬扒撈麵我聞到好香但唔好意思試吓哈哈另外仲帶咗酒醉雞翼尖同埋豬耳都唔錯但少食酒類食物嘅我就有啲重口味喇始終覺得麻辣蓮藕係最出色最特別嘅下次可以再嚟試吓其他嘢食仲有好多小食同埋餸想試唔記得講佢都幾大碗一定食得飽

聽髮型師講附近有間係小儀投資既車仔麵店值得去試下, 於是剪完髮就過去la~剪完都係大概九點鬆少少,已經見佢舖頭吉到好似就收咁, 問左佢又未閂就照入去食,但一入到去就問到有陣霉味唔理la, 肚餓照就叫左個車仔麵同一杯紫背天葵泥食,車仔麵有呢樣飲其實又幾驚喜既, 同埋佢仲有好多幾特別既餸可以揀.等無幾耐佢就上菜la~一見到佢個時菜竟然係椰菜我真係呆左兩秒,再放入口果下又再呆多兩秒, 竟然真係無汆水成陣臭青味, 好似碟頭飯配菜咁,大佬我有比8蚊叫你加ga wo,再食豬心就有內臟爽脆感, 但就完全無味.淨低牛腩同湯底就唔差ge, 但已經拉唔返分.之後食食下我就想加辣食, 佢個辣油出乎意料好好食wo.再當我想再加個樓面居然夠薑過泥收, 話要入返箱,我再抬頭一望, 大佬r, 你唔係櫈都收埋之後趕人走下ma.當我話我仲要個辣油佢仲唔心息話拿支羹叫我拿夠佢就收埋,得la, 你咁講其實都無咩原因要再返泥食.

好失望，以為真糸好好食，其實D餸淡然無味，絕對冇下次，沒有用心做好食材，單靠名星效應，如果甘都叫好食，甘即糸好食過垃圾啫，希望盡快作出改善，不要讓粉絲們失望了呀

旅遊回港，最掛念的除了家裡的床，便是一衆港式小食。放下行李，立地食麵，人之常情。點了幼麵，清湯底，牛腩，蘿蔔，春卷，炸魚皮等4餸。先喝湯，味道太淡，失望。幼麵入口有嚼口，不錯，配以失敗的湯底有點浪費。牛腩入味但頗韌，不好吃。蘿蔔則鮮甜無渣，令人有追加的衝動。魚肉春卷是類似南記的做法，不過麵麵店的調味重了一點亦咸了一點，個人來說不很喜歡。炸魚皮是另外上的，因為沒有被湯浸淋，入口脆卜卜，香口非常，食到停唔到口。4餸麵，送豆漿，埋單四十幾蚊，其實算很合理，除了牛腩認真唔掂之外，質素上也算是中等水平，合符期望。

去親佐敦就會諗到食呢間車仔麵店。價錢同質素成正比，點46元餐，有飲品送，又可以點貴的餸，實在太好。店面姨姨都好人又nice，令人覺得幾舒服，同街坊關係係好好。推介要食的餸:1. 酸齋 (新鮮的，有少少脆口)2.腐皮魚肉 (都係鮮做，勁香脆，魚肉又香)3.墨魚卷 (足料墨魚)4.魚片頭 (香脆)5.豬皮 (夠晒入味)點脆口食物，小心，記得千祈唔好浸晒落湯，咁咁就有最佳享受。湯底建議點沙嗲，枱面的勁辣菜脯正，不過堅辣，要小心。

數年前在附近上堂，也來過麵麵店數次，但自沒有在附近上堂後好久沒有來了。偶爾下看到有人寫這裡的食評，心血來潮決定要來這家很久沒有來的店懷緬一下昔日的味道。到達店鋪時時間已經是2:30pm，肚子餓得咕咕叫，催促我快點餵飽自己。門外放著兩個餐牌，久未來吃的我發現除了車仔麵以為原來有飯餐。下午茶由2:00pm開始，看見menu不錯便內進。下午茶時間，店內人不多，也可以隨便選位置坐下。下午茶的D餐可以選3餸車仔麵，餸菜有$8 $10 $12任選，還送飲品一杯，計算一下價錢比單點餸的車仔麵理想，便決定要點D餐，店員也示意我下午茶的車仔麵餸單寫在平常用的車仔麵下單紙上，沒有分別，只是麵底必須為$14。根據網上的觀察還有自己喜歡的，我選擇了$14的油麵，$10的韮菜餃，$10的墨魚卷，還有$12的咖喱魷魚，勁辣汁，飲品則點了一杯熱豆漿。熱豆漿立即送到。喝下去質感很滑，有微微豆香，試想像寒冬裏在室內喝上一杯熱豆漿是那麼理想~~~車仔麵也隨即送上。湯底像是普通的，勁辣汁是上面的那堆。把醬伴進湯裏，也挺辣的，有點點蓋過食物的味道。如圖，韮菜餃有3隻，墨魚卷2條，咖喱魷魚沉在下面才發覺只有4片。記得大家都十分

今日去佐敦，吃了一間叫麵麵店的車仔麵，聽說是小儀開的。午市時間，食客都不少，店內幾乎爆滿。車仔麵的選擇十分多，有三十多款配料可供選擇，四十八元任選四款配料再送飲品。今次點了米線，配上韮菜餃、雞奕尖、滷水蛋、魷魚，湯底要沙嗲。總體來說，香香辣辣的沙嗲湯底最為吸引，配料又多又好食，絶對是一碗有水準的車仔麵。

是晚星期日…六點左右來到麵麵店….沒太多人….一行三人進店…可以自選位置添~坐的位置都以快食為主…不好諗坐可以坐得耐….我們每一各選一碗麵…之後再分別叫了好幾款小食….1) 本人點選了 – 鮮牛根腩撈麵一舊牛根也沒有的….牛腩不夠淋…好實!!!但味道是OK的…我反而頗欣賞麵底的醬汁… 2) 小食1.即炸煎釀三寶 – 豆腐、茄子、青椒大大件…咬落沒有很油膩的感覺…炸得夠乾身….好!!3) 小食2.咖央油炸鬼油炸鬼代替了麵包塗上班蘭咖央…幾特別…但如果油炸鬼是熱的話會更出色。4) 小食3.蒜蓉蝦多士熱辣辣的竹炭麵包…面層再舖上蝦膠來炸…..香脆可口…味道調教剛好…不太咸不太淡…推薦!!!5) 小食4.蜜餞雞中翼原以為會好甜….但反而算偏淡….完全覺得只是普通一個炸雞翼….沒有評價可言~6）奶茶紅豆冰第一淡....味道淡如水...完全沒有茶味...紅豆又過份淡.....我已經係食得淡味道的....失望！

呢間小儀有份嘅車仔麵，想試好耐好耐，睇食評都見到反應唔錯。之前因爲地點唔多就腳，所以一直無去。BUT !! 呢次食完一次就算喇。·牛腩無味又硬，咬十世都未吞到·滷水雞翼同鳳爪唔入味，仲有陣雪味·腩肉又「鞋」，皮有如像筋但係，我地揀嘅兩個湯底，一個沙嗲湯，一個薑酒湯，味道係唔錯嘅。薑酒味比我預期之中濃，凍凍地食呢個湯唔錯。同埋佢地服務態度好好，好細心。