Odelice! (海之戀商場)

Open Now

Now Closed

近年有好幾個朋友搬咗去荃灣西，所以多咗去嗰邊行街搵嘢食，荃灣西有好幾個商場連埋一齊，其中海之戀商場就比較熱鬧多嘢食揀，今次我哋就去咗呢一間法國菜嘅連鎖店，聽到法國菜好多朋友都以為價錢一定好貴啦，但係呢間法國菜連鎖店價錢又幾大眾化。首先我哋嗌咗一個雜錦海鮮蕎麥薄餅 $168，海鮮如果挾飯或者挾意粉就試得多啦，挾蕎麥薄餅又真幾新鮮，同海鮮味道唔算話好挾，但係都幾好食。另外又叫咗一份鱋魚，呢個菜响好多法國餐廳都有，而且做好精緻，好想睇吓佢做成點，佢做出嚟都冇失望嘅，魚肉都幾鮮嫩，不過個汁就唔夠酸，爭少少啦，另外又嗌咗一份羅西尼牛扒配埋鵝肝，鵝肝嘅口感都幾豐富，扒都煎得唔錯，整體嚟講都呢個價錢食到法國菜都唔錯，不過環境就爭少少，因為佢係半開放式嘅設計，所以有啲人來人往有啲嘈嘅。