Video
Read full review
2015-01-24
4794 views
小店經營，一間喺小巷唔起眼，韓國人開的日式居酒屋。成間餐廳係一個廣東話唔流利既男人同細路女，配一個香港女人的組合。加上佢地太殷勤合拍既服務，唔使諗佢地就係一家人，自己家庭式生意。次次都好似我地一家人幫襯一家人咁，好warm好親切。直到幫襯到第五次傾開計，個"媽咪"先同我地講佢唔係韓國人老婆，"囡囡"亦唔係佢“囡囡”，只係各自喺度打工。我地一家五口當堂“吓”得好大聲，好似突然間個美滿家庭破碎哂的感覺。算，唔講感覺講實在，有外地人坐鎮的餐廳點都有少少sell高級野，價錢一定above average.但係"遙"價錢好合理，食物質素又高，態度有禮，小店就是有這種好處。第一次食原條秋刀魚刺身，老闆介紹時令野，一定要點葱，薑，明太子，特製醬油mix埋食。刀高好賣相靚。出面食秋刀魚好多都係煎熟上，喺呢度我夠膽食生。好奇待其他月份再幫襯時令池魚，飛魚刺身。顏色奪目的綠黃色卷物就係芒果龍蝦沙律卷和牛油果軟殻蟹卷其實次次食有生果配既食物，就驚啲生果係酸，破壞哂。呢度啲芒果食第5次都仲係咁甜咁fresh，配龍蝦沙律一流。牛油果一塊塊薄切上面，軟殻蟹亦炸得香脆適中。唯一的甜品紅豆冰卷，出面雪米糍皮，中間紅豆
成間餐廳係一個廣東話唔流利既男人同細路女，配一個香港女人的組合。加上佢地太殷勤合拍既服務，唔使諗佢地就係一家人，自己家庭式生意。次次都好似我地一家人幫襯一家人咁，好warm好親切。
直到幫襯到第五次傾開計，個"媽咪"先同我地講佢唔係韓國人老婆，"囡囡"亦唔係佢“囡囡”，只係各自喺度打工。我地一家五口當堂“吓”得好大聲，好似突然間個美滿家庭破碎哂的感覺。
算，唔講感覺講實在，有外地人坐鎮的餐廳點都有少少sell高級野，價錢一定above average.
但係"遙"價錢好合理，食物質素又高，態度有禮，小店就是有這種好處。
第一次食原條秋刀魚刺身，老闆介紹時令野，一定要點葱，薑，明太子，特製醬油mix埋食。刀高好賣相靚。出面食秋刀魚好多都係煎熟上，喺呢度我夠膽食生。好奇待其他月份再幫襯時令池魚，飛魚刺身。
顏色奪目的綠黃色卷物就係芒果龍蝦沙律卷和牛油果軟殻蟹卷
其實次次食有生果配既食物，就驚啲生果係酸，破壞哂。呢度啲芒果食第5次都仲係咁甜咁fresh，配龍蝦沙律一流。牛油果一塊塊薄切上面，軟殻蟹亦炸得香脆適中。
唯一的甜品紅豆冰卷，出面雪米糍皮，中間紅豆，最入面栗子蓉，最佳效果一定要等15分鐘解凍先食。
其他推介:
冷豆腐
原板馬糞海膽
法國鵝肝多士
大蝦野菜天婦羅
香蔥呑拿魚腩卷
芝士三文魚卷
火焰珍寶牛柳串
Post
