Video
Read full review
2023-06-21
344 views
價錢實惠嘅中環石燒牛中環無論食lunch定dinner 想坐街舒服啲都偏貴 今晚就試咗間叫滿滿食堂嘅石燒餐廳 見到佢價錢適中就試吓好唔好食啦😎佢嘅位置係皇后大道中嘅一個地庫 雖然係地庫但環境都算好寬敞 餐廳兩邊有好多卡位 位置闊落坐得舒服我今日就揀咗佢地嘅A餐($128) 可以揀到三款肉類同埋一碗主食 最後我叫咗安格斯窄身西冷🥩,熊本一口牛🐮同埋日本佐賀鮮魷魚🦑落完單就即刻去睇吓跟餐嘅自助沙律區先🥗雖然自助沙律區嘅地方唔大 但係選擇好啱我心水😎有我最鍾意食嘅芽菜同海帶 仲有通心粉沙律 每一款嘅味道都唔錯 同埋佢旁邊放咗一盤雞蛋 原來係溫泉蛋🤩我都忍唔住食咗幾隻🙈係另一邊仲有一個自助調味區 有七到八款醬可以俾大家去配啲肉嚟食返到埋位好多野食已經到咗 主食我就要咗紫菜飯 再配埋自助區出面嘅溫泉蛋簡直就係Perfect match🥹佢哋嘅肉類都非常新鮮而且份量其實唔少 相信大部份客人都會夠飽 而且燒到一半職員都會好貼身問你要唔要更換石板😍絕對唔使好趕咁燒晒你啲嘢食 可以慢慢享受我哋另外加點左個小食 係黑蒜油濃湯藍青口 ($38) 依個價錢嚟講佢嘅份量十分足料 黑蒜油味道突
中環無論食lunch定dinner 想坐街舒服啲都偏貴 今晚就試咗間叫滿滿食堂嘅石燒餐廳 見到佢價錢適中就試吓好唔好食啦😎

佢嘅位置係皇后大道中嘅一個地庫 雖然係地庫但環境都算好寬敞 餐廳兩邊有好多卡位 位置闊落坐得舒服

我今日就揀咗佢地嘅A餐($128) 可以揀到三款肉類同埋一碗主食 最後我叫咗安格斯窄身西冷🥩,熊本一口牛🐮同埋日本佐賀鮮魷魚🦑落完單就即刻去睇吓跟餐嘅自助沙律區先🥗

雖然自助沙律區嘅地方唔大 但係選擇好啱我心水😎有我最鍾意食嘅芽菜同海帶 仲有通心粉沙律 每一款嘅味道都唔錯 同埋佢旁邊放咗一盤雞蛋 原來係溫泉蛋🤩我都忍唔住食咗幾隻🙈係另一邊仲有一個自助調味區 有七到八款醬可以俾大家去配啲肉嚟食

返到埋位好多野食已經到咗 主食我就要咗紫菜飯 再配埋自助區出面嘅溫泉蛋簡直就係Perfect match🥹

佢哋嘅肉類都非常新鮮而且份量其實唔少 相信大部份客人都會夠飽 而且燒到一半職員都會好貼身問你要唔要更換石板😍絕對唔使好趕咁燒晒你啲嘢食 可以慢慢享受

我哋另外加點左個小食 係黑蒜油濃湯藍青口 ($38) 依個價錢嚟講佢嘅份量十分足料 黑蒜油味道突出 同藍青口意外地夾😋
總結嚟講呢間餐廳嘅性價比非常之高 味道亦十分唔錯如果係喺中環返工嘅朋友 無論放lunch定係放工嚟食夜晚飯都係一個好好嘅選擇😋😋
23 views
0 likes
0 comments
18 views
0 likes
0 comments
16 views
0 likes
0 comments
12 views
0 likes
0 comments
9 views
0 likes
0 comments
11 views
0 likes
0 comments
8 views
0 likes
0 comments
16 views
0 likes
0 comments
Post
