Video
Read full review
2020-06-28
309 views
瘋狂小面 #中環❗️價錢實惠 令人瘋狂嘅四川麵館 ❗️已經係我第二次到訪呢一間四川麵館，講起專食四川麵我就會諗起呢一間😆位於蘭桂坊附近，味道不俗，價錢實惠，套餐包晒麵食、飲品、小食、甜品都唔使$100✨。餐廳環境夠晒大，而且古色古香，用上木枱、紅櫈、面譜等等。食物有香港較為少見嘅四川麵、小食選擇，老闆話要將四川最正宗嘅味道帶嚟香港👍🏻。呢度嘅套餐可以有唔同選擇，分別有1️⃣麵+飲品$78，2️⃣麵+飲品+小食$88，3️⃣麵+飲品+小食+甜品$98。另外可加錢配搭更多小食。見佢$100都唔使，所以嗌咗兩個$98嘅套餐，仲加錢嗌多咗小食😛可以自選唔同嘅辣度同麻度，我哋嗌左BB辣，惹味得來唔會覺得辛苦。1️⃣瘋狂豌雜麵套餐 $982️⃣瘋狂牛肉麵套餐 $98.麵食🍜▪️豌雜麵：係我第一次喺香港見到呢一款四川麵食。係一種拌麵，面頭放滿左軟綿綿嘅豌豆蓉、甜甜地可口嘅肉碎、花生、酸菜，撈埋底下嘅炒雜醬，甜辣麻集於一身，真係幾好食☺️面底用上四川面，望落去彎彎曲曲似即食麵，但較為粗身、入口煙韌似拉麵，掛汁力強！味道: 4.1/5▪️牛肉麵：同樣用上四川麵，但今次係湯麵，口感保留一貫嘅煙韌✨不過可能因為我哋揀咗BB辣，所以湯底就
❗️價錢實惠 令人瘋狂嘅四川麵館 ❗️
已經係我第二次到訪呢一間四川麵館，講起專食四川麵我就會諗起呢一間😆位於蘭桂坊附近，味道不俗，價錢實惠，套餐包晒麵食、飲品、小食、甜品都唔使$100✨。
餐廳環境夠晒大，而且古色古香，用上木枱、紅櫈、面譜等等。食物有香港較為少見嘅四川麵、小食選擇，老闆話要將四川最正宗嘅味道帶嚟香港👍🏻。
呢度嘅套餐可以有唔同選擇，分別有1️⃣麵+飲品$78，2️⃣麵+飲品+小食$88，3️⃣麵+飲品+小食+甜品$98。另外可加錢配搭更多小食。
見佢$100都唔使，所以嗌咗兩個$98嘅套餐，仲加錢嗌多咗小食😛可以自選唔同嘅辣度同麻度，我哋嗌左BB辣，惹味得來唔會覺得辛苦。
1️⃣瘋狂豌雜麵套餐 $98
2️⃣瘋狂牛肉麵套餐 $98
.
麵食🍜
▪️豌雜麵：係我第一次喺香港見到呢一款四川麵食。係一種拌麵，面頭放滿左軟綿綿嘅豌豆蓉、甜甜地可口嘅肉碎、花生、酸菜，撈埋底下嘅炒雜醬，甜辣麻集於一身，真係幾好食☺️面底用上四川面，望落去彎彎曲曲似即食麵，但較為粗身、入口煙韌似拉麵，掛汁力強！
味道: 4.1/5
▪️牛肉麵：同樣用上四川麵，但今次係湯麵，口感保留一貫嘅煙韌✨不過可能因為我哋揀咗BB辣，所以湯底就唔算好濃，較推薦拌麵🙈不過勝在牛肉用上牛腩部位，夠晒淋！
味道: 3.5/5
.
小食🍖
▪️鐘水餃 加$32：一共有六隻🥟餃子皮比一般通透，口感煙韌，最特別係佢酸酸甜甜嘅醬汁，應該加上咗甜豉油同埋醋，非常有驚喜，值得一試！
味道: 4.2/5
▪️夫妻肺片 加$32：唔好睇佢細細碗，但有大量牛肚牛脷🥩麻辣程度比起麵強，夠曬入味，好好食！
味道: 4.1/5
▪️棒棒雞 加$32：
麻辣程度同夫妻肺片相若，一片片嘅雞肉唔肥但夠嫩🐔同樣好入味！
味道: 4.1/5
.
甜品🍮
▪️成都老冰粉：如果未食過冰粉嘅一定要嚟呢一間試吓😆冰粉口感好似愛玉，滑脫脫。呢度嘅冰粉除咗紅糖，仲加入青提子乾同埋山楂，令到口感味道更加豐富👍🏻喺其他四川餐廳好少見到咁足料。
味道: 4.1/5
▪️紅棗銀耳湯：係一個甜湯，感覺上係將紅棗雪耳加上冰糖去煲，滋陰養顏，但冇咁特別。
味道: 3.6/5
.
飲品🥤
▪️除咗檸茶檸水，仲有酸莓汁、羅漢果冬瓜茶揀。
味道: 3.6/5
整體性價比: 4.5/5
整體來講，我覺得喺蘭桂坊可以以呢個價錢都咁嘅水準的確唔錯！雖然唔係啲傳統大四川餐廳，但相信佢嘅味道唔會令人失望，平時放飯放工嚟食啱晒，而且份量都唔細，男仔食都會飽！特別推薦豌雜麵、鐘水餃！
瘋狂豌雜麵套餐
$98
52 views
0 likes
0 comments
瘋狂豌雜麵套餐
$98
225 views
0 likes
0 comments
鐘水餃
$32
16 views
0 likes
0 comments
夫妻肺片
$32
47 views
0 likes
0 comments
棒棒雞
$32
111 views
1 likes
0 comments
成都老冰粉
11 views
0 likes
0 comments
紅棗銀耳湯
12 views
0 likes
0 comments
Post
