Video
Read full review
2011-08-04
295 views
琴晚同男朋友去旺角行街街....就係旺角食埋野啦旺角多款式揀呀嘛諗住唔想食黎食去都係譚仔呀日本菜呀個d我又鍾意食齋...就黎左呢間啦佢出面有d懷舊糕點賣...成日間鋪係好舊式齋鋪咁款咁住d野應該有咁上下水準啦!我地入到去坐低...真係其實未叫餸我已經想走!因為一睇個menu...見到茶錢每位$6.5,....加我地一坐低佢就塞過黎既小菜$8已經加左成$21唉..我心諗:有冇搞錯!!個碟咁小既小菜要$8?!我屋企樓下間酒樓都唔洗收錢啦!當時覺得算啦,,,可能佢地既規矩係咁..拿拿林叫野食好過!我同男朋友兩個叫左兩個餸...因為怕好多食唔晒會sai左...第一個叫既就係脆皮乳豬件第二個叫就係芝士椰汁焗蝦球上菜既時候係個乳豬上先....因為個蝦球要焗wor.....張圖係食左一半架啦其實份量都幾多其實個乳豬都唔差...好有平時食開既乳豬味同口感佢既同之間真係有d好似一層肥豬肉咁...其實質感同味道唔差不過佢整得唔夠咸,,,同埋個乳豬醬好...令到我食左兩..三舊就唔想再食之後黎既就係芝士椰汁焗蝦球呢張相就係食左幾啖既相....菜就得幾粒...真係唔知係咪臨收工冇晒菜求奇搵d黑媽媽實的的既芋頭
就係旺角食埋野啦
旺角多款式揀呀嘛
諗住唔想食黎食去都係譚仔呀日本菜呀個d
我又鍾意食齋...就黎左呢間[菜香齋素食館 ]啦
佢出面有d懷舊糕點賣...成日間鋪係好舊式齋鋪咁款
咁住d野應該有咁上下水準啦!
我地入到去坐低...真係其實未叫餸我已經想走!
因為一睇個menu...見到茶錢每位$6.5,....
加我地一坐低佢就塞過黎既小菜$8已經加左成$21
唉..我心諗:有冇搞錯!!個碟咁小既小菜要$8?!我屋企樓下間酒樓都唔洗收錢啦!
當時覺得算啦,,,可能佢地既規矩係咁..拿拿林叫野食好過!
我同男朋友兩個叫左兩個餸...因為怕好多食唔晒會sai左...
第一個叫既就係脆皮乳豬件
第二個叫就係芝士椰汁焗蝦球
上菜既時候係個乳豬上先....因為個蝦球要焗wor.....
張圖係食左一半架啦其實份量都幾多其實個乳豬都唔差...好有平時食開既乳豬味同口感
佢既[肉]同[脆皮]之間真係有d好似一層肥豬肉咁...其實質感同味道唔差
不過佢整得唔夠咸,,,同埋個乳豬醬好[溜]...令到我食左兩..三舊就唔想再食
之後黎既就係芝士椰汁焗蝦球
呢張相就係食左幾啖既相....菜就得幾粒...真係唔知係咪臨收工冇晒菜求奇搵d黑媽媽實的的既芋頭頂住先明明個menu就冇芋頭我先叫既
講真....佢黎既時候真係比佢嚇親!我幾想叫個waiter埋黎話呢堆野唔係我地架wor...你黎錯左啦!
首先佢既芝士一d都唔芝,,,完全冇味!
求奇灑d芝士粉係上面就當芝士
不過蝦球又真係做得幾似蝦....對我呢個食蝦會敏感既人黎講真係幾開心
而成個菜最差既地方就係個汁!
平時食開既焗野既汁應該係杰身d既....用筷子可以夾上黎
但係佢既汁居然係要用湯匙既[不]....
又水汪汪...個色又完全唔同menu咁...
大佬...有色差都唔係差咁多呀=_=
實在係太失望啦!!
搞到本身我同男朋友都想叫個白飯黎食既感覺都冇埋>.<
總括黎講...
鋪面既清潔唔錯....環境幾舒服
侍應既服務態度亦唔差!
不過餸菜真係好一般...比妙法齋差好多..我上一次去妙法齋都係人地臨cut order先入,,,都冇咁既情況出現!
所以唔會令我有食多一次既慾望!
而且價錢唔平....兩個餸加埋已經$130,,,加埋個d所謂荼錢小菜錢再加一...
兩個人食兩個餸居然食左差唔多$170...如果去其他齋鋪食呢個價可以食到三個餸lu!
所以先話價錢與質素不相符!!!
Post
