八號餐廳

Open Now

Now Closed

呢間餐廳係大埔開業多年，裝修唔算新淨，但係勝在兩旁有兩排大嘅落地玻璃，採用自然光投入餐廳內，環境十分舒適。餐廳嘅食物主要以港式西餐廳食物為主，一個午餐包含餐包，餐湯及主食以及飲品。價錢親民非常合理，附近有小學及中學，深受一班學生及家長歡迎。餐包係一般港式餐包配上牛油，餐湯就同一般餐廳嘅選擇一樣，可選擇紅湯或者白湯。主食方面有好多唔同嘅選擇，有港式茶餐廳嘅炒粉麵以至扒餐都有，可以話係任君選擇，味道正正常常，但價錢就$60左右，一個餐嘅價錢算係非常抵食。