一風堂 (蘭桂坊) (Closed)

不嬲都好鍾意一風堂，一諗唔到食咩又唔想hea食快餐，一定揀一風堂，全因為佢價錢親民，食物又好有誠意👏🏻，又食得飽。和牛拉麵今次試左新野，應該係期間限定。2大塊薄牛排鋪係拉麵上面，生生地，仲見到有血水，食落塊好嫩滑，一d都唔韌，牛味濃郁，好食。配牛肉既湯底一定唔可以太濃，要清淡得來又突顯到牛肉既味。今次個湯底味道清淡，有淡淡既醬油味之餘，仲加埋一d袖子，好清新。呢個淡香既湯底好配合到和牛既味道。仲叫左芝麻菠菜同餃子。飯子皮簿，裡面肉汁豐富，細細隻，一隻一口食曬，配埋薑蓉同餃子汁食，好食👏🏻。