岩盤牛扒ミディアムレア ステーキ (Greenery Plaza ) (Closed)

最近開始戒澱粉，就畀個藉口自己食多啲肉出街食肉一啲都唔平，見呢間牛扒 ミディアムレア ステーキ可以按重量計價錢，豐儉由人，仲要1g先幾毫子，咁親民梗係要幫襯下。職員會即場喺你面前磅肉，夠曬均真。我揀咗400g牛板腱配蒜油汁，轉set加沙律、汽水同溫泉蛋。燒肉點溫泉蛋食呢個做法真係好日式，而且味道好夾好好味。牛板腱係肩胛肉入面比較少運動嘅位，所以食落係有咬口得嚟又軟嫩；塊扒完全唔韌，肉質有彈性而且肉汁豐厚，咁嘅價錢有呢個質素，物超所值！！400g嘅牛扒，男士都會食得飽，加埋啲沙律（椰菜絲＋芝麻醬）就可以解解膩～食完自己收返啲餐具，再加上一路食一路播日文歌，成個體驗都好日本！