岩盤牛扒ミディアムレア ステーキ (Greenery Plaza ) (Closed)

上個星期經過聞到好香鐵板煎野味，就心血來潮入黎食舊扒醫下肚。本來冇乜期望，因為之前都試過。點知食過返尋味可能因為轉左廚師既關係，真心好食左所以隔幾日又黎左試其他扒每次都係試左大概250-300g，$200左右已經好夠飽整體而言超級滿意快靚正，又好合我口味服務都好好但仲有小許改進空間個男職員服務好好，會介紹啲優惠同推薦下我食咩，對牛肉非常熟悉我個人唔鍾意食肥膏，佢仲幫我切走埋啲肥膏，成塊都係肉，好正好抵我分別喺唔同日子試左呢度煎既封門柳、牛板腱、後腰三角肉同埋牛柳。比起之前，今次試既肉係完全唔韌！好好味！其中牛板腱本生應該都冇乜筋，所以多數唔韌，好易咬封門柳可能會有小許筋，但整體口感好嫩、好淋、多汁、好好食8月25日再去既時候，見到佢地仲做埋午餐優惠！$88叫左個200g牛扒餐，抵到爛雖然成間鋪得一個人，但好快就煎好塊好有水準既扒比錢到攞野食，應該都唔洗十分鐘牛扒煎到出黎就咁食都好嫩唔放落塊石板加熱的話，完全係medium rare好好味！當然，加熱左之後都好好味，完全唔韌，仲好juicy，保留到牛扒入面既汁！但如果想食熟啲既話，記得要早啲切完啲肉，放上塊石板加熱，唔係最後塊板會凍左唔夠

想搵間餐廳食鋸扒晚餐，所以試吓翠怡花園呢一間。有唔同嘅牛部位俾你揀，有牛柳、封門柳、牛三角、甚至乎和牛。最終我哋點咗普通牛柳300 g同埋牛丼，因為唔想食咁多，加$30有套餐可以揀沙律汽水嗰啲嘢飲。叫完嘢食俾咗錢之後就可以等嘢食，搵位坐。舖頭面積唔大，但係亦冇乜人排隊，所以如果早食就OK，唔使等位。食物方面，味道正常，鹽同胡椒要自己落，佢會俾埋一個柚子汁俾你點。但係環境質素同埋衛生就需要改善，好似好多嘢都唔係太乾淨。以呢個價錢嚟講，下次未必再幫襯。

好耐冇食牛，經過見佢幾多選擇，又可以揀gram 數，唔駛食咁多😎啱曬女仔！咁啱佢做緊優惠，88蚊有300g 牛阪腱，揀左一份，仲叫左個封門柳。兩個牛都好食，個人喜歡封門柳多d , 因為肉味再濃d🤤揀左一個配洋蔥，一個配蒜蓉，本身有粟米係底一上黎好大塊，個鐵板嘅餘溫令到佢剛剛好七成，唔會太生，火喉控制得好好，我地覺得凍左仲可以要個新鐵板將啲肉加熱番！我地加左一個餐，揀左湯，飯同溫泉蛋，個珍珠米飯配湯泉蛋好正。佢個柚子燒汁先係精髓，淡淡的柚子味將肉嘅油膩去左 但又唔會搶咗肉嘅味道！balance 得好好👍🏻

🇭🇰鐵板餐絕對是平民美食的皇者，有時候想吃好一點又不想花大錢，全港超多分店的牛扒速遞來了🥰想不到現在想吃日式牛扒可以這麼方便～環境也寬敞舒適，屬於日式小清新類型🍽️寶子可以在冰櫃選擇自己喜歡的牛肉部位和配料，配以套餐來享受✨基本上一份套餐有湯、溫泉蛋、白飯和牛扒，即切即燒非常滿足😋【是日點餐✨】🖤西冷鐵板400g / 肉質嫩有口感，油脂分布平均，熟度剛剛好，放在鐵板上滋滋聲食欲大增！下次會想嘗試封門柳🌸櫻花丼-西冷/ 除了鐵板餐他們也有丼飯，也可以選擇自己喜歡的牛肉，配上日本三雞蛋真的太滿足了【商家资料】《岩盤牛扒》📍 屯門店地址：屯門良德街11號寶怡花園地下15-16號舖；營業時間：11:30 - 21:30（星期一至日）另設 荃灣店｜大埔店｜大角咀店｜新蒲崗店｜將軍澳店｜天水圍店｜紅磡店｜北角店🗂️#蔓遊香港 #香港旅遊#香港活動#香港#hongkongtravel2023#hongkongfoodie#香港美食

不嬲都唔寫食評，淨係cd rom睇完就算, 但今次真係要講出嚟因為真係好難食牛肉不得了得肉腥味同埋雪藏味仲要一啲鹽味都冇寧願有啲鹽味都好少少呀不過真係得肉腥味人生最難食嘅一塊扒。。。

星期五晚約左兩位牛魔黎大埔食牛，牛量有三個選擇，200g/300g/400g，想知幾多可以自己話事，相當有彈性。自己本身想食眼肉，但見到當晚舊肉眼好多肥膏，結果要左西冷。呢塊西冷大概重220g左右，份量唔少，不過肉質偏實，牛味一般。三角肉第一次食呢個部位，原來好厚身。枱果陣大約5成熟左右，即使最後燒到7成，肉質都係淋身，口感最好。封門柳 有試過買一大舊返屋企自己切割，好濃牛味，而且肉質軟淋，最中意當扒煎黎食；但呢度嘅封門柳牛味連一半都無，而且好韌!!! 好韌!!😫 中間仲有筋😥，切起上黎相當費力。 無論即刻食，抑或燒多一陣食，都似食緊香口膠，勁失望….😑牛丼 $55 加$18揀兩款配菜全餐最好嘅竟然係呢款最平嘅牛丼，牛肉有燒香，肉質軟淋，加上淋左醬汁，入口濕潤唔乾。套餐加 $30揀左三款配菜 – 白飯、沙律、溫泉蛋沙律只係椰菜絲加芝麻醬；白飯係珠珍米。星期五晚餐時間客量唔多，只有兩三枱。牛肉質素麻麻，如果比我再揀，應該唔會黎🤔。

呢排經常食牛扒食上癮，近近地就腳係大埔搵到呢可以自己揀部位同gram 數嘅鐵板牛扒店☺️開頭就揀自己想食嘅部位，之後呢仲可以揀你要嘅重量，再計返個磅數，然後先再俾錢🤩而味道仲可以揀你想要嘅，有蔥油，蒜油，同埋洋蔥油，我朋友揀咗蒜油同洋蔥油兩種都好香👅店員都有同我哋講解，想食肥啲可以揀嘅部位，肉眼同西冷就最啱，我哋最愛香香嘅牛肉，好貼心🙈之後佢就會比個牌仔你，搞掂就可以出去攞，因為我哋揀咗一個套餐，成個套餐裏面，有飯，滿滿嘅飯素，麵豉湯同埋一隻溫泉蛋，好豐富㗎，一定食得飽，另外仲好多唔同嘅調味料俾你自己調味👏🏼可以揀埋你塊牛嘅熟度，因為我自己鍾意食比較熟嘅，而佢嘅鐵板都會保持一定嘅溫度，所以想食七成，我估叫五成就差唔多喇👍🏼🤤牛肉嘅味道真係唔錯，好抵食同埋份量好大，啖啖肉勁滿足👏🏼推薦 然後呢度仲有啲套餐 有五選二嘅套餐啦同埋三遷移嘅啤酒套餐

牛魔王前來報道，久仰大埔有間牛磅食日式店，日文名，記得剛開時排長龍，難得見今日唔駛排隊，於是與友人一試。首先店員根據喜好給建議，我見有新選擇-封門柳，我吃過的封門柳都較重牛味，正合我口胃。套餐加28元配合3款小食以及飲品，連酒精類飲品都有，唔錯！（另加費用）店員根據要求的重量計數，而以三成熟上台，而在鉄版上加熱大概是五成左右。但你可以就自己喜好續加熱，另加蒜，洋䓤等…牛肉配柚子醬料，感覺清新，一試的確牛味重，正😄。由於友人不能吃太生，店員很配合另上一塊鉄版，可以繼續跟自己喜好加時加熱。另外沙律味道正常，稍嫌醬料有點多，而其它的飲品點了咖啡不用加錢。唔錯友人亦叫了一份櫻花井，牛肉嫩滑，大大碗，很滿足。

今日再次出動食好西🤪輪到大埔成為狩獵場地👅目標係❗️ 岩盤牛扒ミディアムレア ステーキ 🥩❗️其實呢間小店都行經過幾次 一直都覺得佢嘅門面好得意😂 有啲日本街邊鋪頭嘅感覺 🇯🇵咁岩果日想食牛扒☺️所以就特登去左試一試順便解一解對日本嘅思鄉之情🤣入到去就有大大個招牌list 一眼睇晒可以簡嘅部位同收費👍🏻 大家可以根據自己嘅食量選擇大細😜 而且佢仲有唔同級數嘅牛tim😚 今次我地就試左premium 西冷🥩 差唔多400g 都只係$200多啲🥴 真係好抵食呀🤑 而且仲係原塊鐵板上 黎到時仲係熱辣辣 jar jar 聲咁 聽下都過癮xd塊扒黎到真係好大塊🙈可能因佢好厚嘅關係 入面啲肉煎左一輪都仲ok 嫩👍🏻 雖然唔夠肉眼扒咁易咬口 但係就勝在味度夠濃🤪 沾埋佢d 醬汁一齊食話咁快就食晒lu 🤣下次有機會要再挑戰下佢嘅和牛西冷先得😜

係大埔唔容易搵到好味嘅牛扒，但真心覺得呢間唔錯喎，呢度有咁多款選擇，仲要即叫即切，好新鮮！Step 1 - 揀肉牛有兩大類，普通同premium 普通有3款 - 肉眼，牛柳，牛板腱Premium都有3款 - 西冷，牛腰三角肉，日本和牛Step 2 - 揀汁 - 蔥油，洋蔥油，蒜油仲可以配set加飯，溫泉蛋，沙律都得我地叫左牛板腱同牛腰三角肉各300g牛板腱係配蒜油嘅，無跟set，因為食唔哂哈哈!牛板腱好好味喎，好有牛味又唔會太難咬開，係超出預期！牛腰三角就跟餐，溫泉蛋都唔錯，主角牛扒係好腍嘅，有啲似牛柳，朋友好鐘意呢個，我自己就鐘意牛味重啲嘅！餐廳環境都好有日本feel,另外一提，食完野係要自己還返餐具嘅，大家記得呀！

今日同朋友係大埔食飯咁岩見到呢間餐廳好似幾抵所以就揀咗呢間餐廳😊一入去見到鋪頭都好乾淨企理雖然係食扒，但間鋪唔會有好大陣油煙味👍🏻而且環境闊落，一路食野一路傾計都適合因為係平日既晏晝一兩點，所以都唔洗等位等好耐👍🏻我同朋友各自叫咗兩個餐share呢到既staff好細心因為我同朋友都唔可以食太生既肉所以本身諗住叫七成熟但佢地話上菜個陣會再熟多兩成所以想食七成就叫五成就岩岩好😊食個陣發現佢地講得好岩！好彩佢地提一提！因為鐵板會令肉更加熟所以如果一開始叫七成就太熟啦！第一隻肉雖然睇落既筋比較多但都唔會太難咬肉既口感都好好👍🏻而另一個扒就少啲筋呢款就岩一啲唔鍾意食太多筋既人😊同埋我自己覺得雖然兩種肉既口感都好好但呢隻肉會比較滑所以比較岩我食😍😍😍

今日就同朋友嚟到大埔呢間牛扒專門店食午飯，位置近太和地鐵站。餐廳形式比較似快餐店，係要自己去櫃面落單拎號碼，然後拎餐再俾返個號碼餐廳。餐牌上有幾種常見嘅肉類，可以自由選擇肉嘅份量，咁就唔怕食唔晒浪費食物啦！如果覺得食肉太單調，仲可以加$28配三個配菜。我同朋友就分別叫咗300 G嘅西冷同300 G嘅牛柳，我再加左溫泉蛋、沙律菜同無糖咖啡。而朋友因為比較細食，所以淨係叫咗罐橙汁。本身因為完全冇概念應該叫幾g嘅牛，問咗店員意見佢都建議揀300或者250 。拎餐嘅一瞬間覺得望落個份量有啲多，都有擔心食唔食得晒，估唔到最後係完全食晒，都代表對佢味道嘅肯定，自己都覺得好滿足！最後埋單兩個人330 ，覺得都幾抵食。

中秋成班frd出嚟食飯，見間店冇乜人坐，於是大家懷着「大家一齊試伏」嘅心情入咗去，一部分人叫咗200g牛板腱，我自己叫300g肉眼+個set (有飯，沙律，溫暖蛋)塊肉眼上枱嗰下個賣相ok嘅，切落去嗰下。。feel到不祥嘅預感，結果。。好韌，真係好 韌💩，切完成塊扒可以順路做埋gym操返下隻手，食落去嗰下韌到同食香口膠並冇太大分別。(**先自聲明: 牛板腱並沒有出現上述情況，只有叫肉眼嗰班frd先有🥲)然後係嗰塊鐵板，塊鐵板啲熱力好快就消失(我叫300g大約食到一半就唔熱了)，食頭幾啖啲肉就係well-done，食食下就變咗七成，五成，食到最後得返三四成左右☹☹，因為已經冇熱力燒唔到了，整體感覺不太好飯同溫泉蛋就正常嘅，不過略嫌沙律太多醬(啖啖都係醬)總结，雖然價錢唔貴，幾親民，但真係唔建議叫肉眼，同埋塊鐵板去到後期已經燒唔熟塊扒，整體體驗有點差，希望見到改善。🙂

今日突然想食牛扒，又唔想去啲望落好grand嘅餐廳。於是就即刻search有無間啱一個人食嘅牛扒專門店，結果就搵到呢間 💞佢落單好customer-friendly 有唔同分量揀，啱晒唔同食量嘅人去食，唔驚食得唔夠癮或者太飽食唔晒嘥咗啲牛扒。因為好肚餓，於是決定食豪啲，揀咗後腰三角肉，磅出嚟有339g。店員話預設係5成熟，果然係叫Medium Rare Steak 😂我再加多咗錢嗌咗個set，有溫泉蛋、沙律 ，同埋我最愛嘅啤酒 🍺後腰三角肉食落比較爽口，醬油有柚子味 點落去勁有驚喜!!!食落好juicy 啲肉汁係咁湧出嚟，成個鐵板都係，339g份量都真係幾多，好彩無揀飯 😂食完好滿足，加多杯啤酒，簡直係無敵！有機會下次要帶埋朋友嚟先🤩

好掛住日本美食！呢間小店好治愈…未夠5點鐘，無客堂食；我地響門口望住餐牌指指點點，研究咗好耐…會吾會食吾晒？乜嘢係牛板腱？噢…跟餐雪糕無貨？女職員出黎，細心解答，仲建議每人選200g - 300g 份量已足夠，不要太多…即場磅完，一塊牛板腱肉加一塊牛柳，各加28蚊升級套餐：飯/湯/飲品/沙律/溫泉旦，選三；加支啤酒。埋單只係$265靜靜地等待…大約10分鐘，美食上桌！牛肉表而焦香，內裏嫩紅！自助形式，捧住一盤滋滋響又冒煙的定食埋位，竟然開心到笑咗出黎…即磨了些黑椒碎，趁熱品嘗…牛肉表面焦香，內裏嫩紅。點了些柚子燒汁和溫泉旦餸白飯，肉嫩多汁！幸福…美味…只可惜珍珠米飯質素稍遜，還是會回頭的。離開時將餐具放回碗盤區，女職員微笑答謝。心滿意足的一餐！