十和田總本店

Open Now

Now Closed

幾年前食過呢間野, 果時印象係唔差既, 有D款係香港少有既, 不過香港咁多壽司選擇, 所以都好多年冇食過。今次無啦啦經過見唔洗排隊再食返, 完全唔係呢回事。價錢就不嬲進取, 青瓜手卷都賣到$30一個。百幾蚊火炙魚生飯, 質素不過不失, 算係性價比最高既選擇。一般貨色, 深海池魚最好食, 但絕對唔可以話係鮮, 冇咩味。右邊8件set要兩百幾蚊呢兩件小肌係最中伏! 本身最期待呢件因為香港好少食到, Omakase都唔常食到, 幾年前食過係唔差既, 今次再食返。一見到個樣都心知不妙, 兩件4塊細既小肌, 乾哂水咁, 0色澤, 以為鹹魚黎。諗住最多唔新鮮, 點知一食中哂伏, 小肌比醋醃到"拿"喉嚨, 難食到想嘔, 即刻飲茶。其實做到呢個價位既壽司鋪, 見到乾哂水成條鹹魚咁既魚生, 係唔應該仲整出黎比客食, 仲要用醋醃到咁勁, 姐係明知件魚生唔得, 仲要特登加工重手比客食。仲要咁既定價, 而家香港咁多選擇, 大家睇完我個食評同相希望諗一諗先好選擇呢間餐廳。食壽司郎好過啦。