浪．麵 (Closed)

價錢同嘢食質素係OK嘅，店員都有禮，但安排上覺得實在有少少混亂。下午6點入到餐廳，覺得都算係正常晚餐時間。但自問自己係都幾心急嘅人，所以入店嗰陣都有問係咪ready可入座，見店員示意ok。而入到去果陣店內暫時得我，心諗應該即刻煮嘅話都唔使等好耐，等左20分鐘都未有任何上菜，而隔離位都開始坐落其他客。當去到接近點餐後30分鐘，我點嘅餐終於上菜，而緊隨其後坐喺隔離嘅客過多幾分鐘都有餐上。係有少少計較嘅，但心諗備餐時間使唔使差幾遠，覺得餐廳如果未準備好食材嘅話，一係店客入到嚟嘅時候講明備餐會耐少少，唔好搞到個差距覺差咁多。另一個問題係圖不對餐，因餐廳係用QR code落單，所以Menu嘅嘢都係睇電話睇圖睇字，今次叫左鮮蕃茄輕醬油濃湯，見到幅圖係有叉燒配菜同蛋，咁我點左大大廣島蠔，照常理咁諗都係配菜配蛋掛(?)，點知嚟到碗嘢係冇蛋，一問之下原來加錢轉蠔反而就會冇咗蛋，咁我都表示無奈，覺得應該要喺個app度寫清楚你哋配搭，唔好搞到令到科技搞到實行上仲倒退。