Video
Read full review
2007-12-30
星期日天和媽媽去新城市吃午飯,周圍都要等位，見到這間門口不是太多人等太久又新新地咪去試一下，等咗5-10分鍾見門口的人全部入了去，以為到我們啦，點知那個帶位帶了2個上前"攞飛"的情侣入去，但我們是拿了等位"飛仔"的，後來那對情侣不滿意座位離開，那帶位才出來帶我們入去，但她完全沒有歉意呢～其實入面有好多位，但唔知點要搞咁耐先至入得．坐下後，兩個只得一個Menu，我們打開Menu想Order時，竟然在Menu中發現有食物的渣滓附在其中一頁上面，好嘔心呀～同個侍應生講，佢拿著個Menu左番右番咁都睇唔到，真係唔知好嬲定好笑．我們叫了一個煙三文魚+鮮蝦扁意粉和意式海鮮飯，上菜時間不是太久，算快，但份量不多；意粉味道好淡，無味，意粉好硬，蝦無鮮味，配料多過意粉好多，飯略為偏淡，沒有芝士香味，只有意大利飯的濕，味道麻麻，配在飯上的龍蝦焗得太久，好乾，仲有一陣不新鮮的鯹味，配料同飯的比例適中，但飯中的"海鮮"煮過頭，有點"鞋"，無味，在飯上的大蒜不新鮮，有一陣鯹味．埋單連加一(跟本不值得加一，無服務可言)要成$200(食咗２樣野，仲要唔飽)，唔值咁多．整間店的裝潢好古怪，門口好像好高級，但內裹卻像i
坐下後，兩個只得一個Menu，我們打開Menu想Order時，竟然在Menu中發現有食物的渣滓附在其中一頁上面，好嘔心呀～同個侍應生講，佢拿著個Menu左番右番咁都睇唔到，真係唔知好嬲定好笑．
我們叫了一個煙三文魚+鮮蝦扁意粉和意式海鮮飯，上菜時間不是太久，算快，但份量不多；意粉味道好淡，無味，意粉好硬，蝦無鮮味，配料多過意粉好多，飯略為偏淡，沒有芝士香味，只有意大利飯的濕，味道麻麻，配在飯上的龍蝦焗得太久，好乾，仲有一陣不新鮮的鯹味，配料同飯的比例適中，但飯中的"海鮮"煮過頭，有點"鞋"，無味，在飯上的大蒜不新鮮，有一陣鯹味．埋單連加一(跟本不值得加一，無服務可言)要成$200(食咗２樣野，仲要唔飽)，唔值咁多．
整間店的裝潢好古怪，門口好像好高級，但內裹卻像ikea的foodcourt，間餐廳都幾嘈．侍應生基本好像魂遊咁，全部人都唔知做緊乜，叫了好久都無人理你，又無人添水，收碟的人拿著那些碟好像舞龍咁，那幾個打扮似經理or老闆的男人傳菜時的聲音好細，跟本聽不到．
整體而言，我估佢想扮高級，價錢扮到但食物水準(連意粉都未煮得好)至服務態度均未及水準，有待改善．不過我應該唔會再光顧了～
Post