i kitchen (Closed)

餐廳環境還可以，職員服務都OK，有禮又幫客人影相，又會主動斟水，但食物份量同價錢就完全唔成正比，最重要係食物質素，可以用好唔掂形容薯仔湯過咸，而賣成二百幾蚊嘅肉眼豬扒，連大人手掌嘅size都冇，切開後發現唔夠熟，肉質仲係帶淡血紅色，同職員講，佢哋冇換過一塊，而係直接唔知點樣煮返熟就算，冇哂肉汁，又乾又硬，仲要冇乜味意大利飯又係淡茂茂，入口完全冇香味，啲飯唔知有冇炒過蔬菜千層麵就比較冧軟，味道好淡口，又係冇乜香味另外叫價二百幾蚊嘅羊架，酥皮又冧又唔香，啲肉質仲勁大羶味，表面完全冇煎或烤焗過嘅香味，感覺係現成急凍食物，直接從雪櫃攞出嚟焗熟就上菜咁一行五人慶祝母親節，食咗港幣一千頭，但換嚟咁嘅食物質素，大家都好失望。