木金餃子製作所 (Closed)

小弟好耐之前，見到其他高手推介呢間系觀塘的餃子小店，於是趁機會來到舖頭，感受一下所謂的「儀式感」。（人到中年先至見識下，尷尬）小店簡單的偏日式的白底裝潢，比小弟一種舒服的感覺，而且十分乾淨；淨系環境已經加左唔少分。廢話唔多講，都系講返主角－餃子。舖頭可以選擇的餃子種類唔算特別多，但系都可以揀Ｄ特別ge口味（例如泡菜）。小弟第一次幫襯，都系先求穩陣，所以揀左韭菜豬肉同埋椰菜玉米豬肉兩種口味（傳統口味唔會伏？）；餃子比起外面食到的較為大隻，味道都系正常發揮。最令我驚喜ge，系今日的「時日濃湯」－黃金南瓜湯；而且「儀式感」原來系因為要我地自己用特製小湯壺，將個湯倒落去湯餃個碗上面。「嘩，人一世物一世，都系第一次見識到，原來飲個湯都可以搞到好似日本茶道甘，有工具有特定步驟」但系，個南瓜湯並唔系浪得虛名。個湯見到少少南瓜蓉，但唔系「融Ｄ唔融Ｄ」，而系個湯濃而不「杰」，好滑溜。於是，成個南瓜湯餃食落去，又系可以用「舒服」黎形容。除左餃子外，另外再加左份炸蠔。炸蠔配搭少少沙律菜同醬汁，算系減少油膩感；蠔仔算唔錯，真心食到蠔的鹹鮮味，但好似系兩至三隻細蠔仔包埋一起炸，變相食個時外面層吉列皮會較為鬆散。