Video
Read full review
2014-06-09
6812 views
同朋友仔咁耐無見，真係要嘆番餐好既 ﹗想黎 Felix 試好耐架喇，今晚第一次幫襯，事前做足資料搜集，見網上評語好懷參半，都係親身試過先知既。得出結論，舒舒服服慢慢嘆左兩個鐘，十分滿意，好正 ﹗經過半島酒店大堂，走到側邊走廊搭 lift 直上 28 樓，步入大廳即見無敵海景，好正呀 ﹗無遮無掩夠晒開揚，唔太高又唔太矮，剛好欣賞到好靚既聖誔燈飾 ﹗ Book 唔到 window seat 添，坐窗邊就更正啦，不過枱與枱比較近囉。四周環境寧靜，熱氛浪漫，最衰音樂比較 rock 左啲，播吓舒情、Jass、鋼琴更好啦。侍應們大部份為男生，殷勤熱情，食得舒服。發現今晚全廳九成食客都係外藉人仕，完全無大陸人 ﹗Felix 已換上聖誔佈置，好靚呀 ﹗同半島大堂既裝飾好配合。望落去仲以為係吊燈，再睇真啲，完來係座枱架，扮聖誔樹囉。依張枱側邊有樓梯架喎，係咪比食客上枱跳舞或致辭呢？廚房就係後面喇。Ipad menu，好方便呢 ﹗有相可以睇，點解唔 install 多幾種語言呢？只有英文版本乍喎。實在太多菜色喇 ﹗花多眼亂，似乎擇選食 set 好啲，可以試多幾款，第一次黎散叫真係有點頭痛呢。只有兩個 se
經過半島酒店大堂，走到側邊走廊搭 lift 直上 28 樓，步入大廳即見無敵海景，好正呀 ﹗無遮無掩夠晒開揚，唔太高又唔太矮，剛好欣賞到好靚既聖誔燈飾 ﹗ Book 唔到 window seat 添，坐窗邊就更正啦，不過枱與枱比較近囉。四周環境寧靜，熱氛浪漫，最衰音樂比較 rock 左啲，播吓舒情、Jass、鋼琴更好啦。侍應們大部份為男生，殷勤熱情，食得舒服。發現今晚全廳九成食客都係外藉人仕，完全無大陸人 ﹗Felix 已換上聖誔佈置，好靚呀 ﹗同半島大堂既裝飾好配合。望落去仲以為係吊燈，再睇真啲，完來係座枱架，扮聖誔樹囉。依張枱側邊有樓梯架喎，係咪比食客上枱跳舞或致辭呢？廚房就係後面喇。Ipad menu，好方便呢 ﹗有相可以睇，點解唔 install 多幾種語言呢？只有英文版本乍喎。實在太多菜色喇 ﹗花多眼亂，似乎擇選食 set 好啲，可以試多幾款，第一次黎散叫真係有點頭痛呢。只有兩個 set 選擇，一個係廚帥精選 main course 食日本和牛，另一個 set 就可以揀食羊柳或煮海鱸魚，見食評稱羊非常好食，牛就麻麻地，今次試左羊同魚先啦。點菜後，諗諗吓，點解唔 order 兩個唔同既餐呢？可以一和牛一羊架喎，和牛餐有我好鐘意既蠔湯呢 ﹗一時醒唔起添 ﹗唯有下次啦。3 款 table bread，聽唔清楚位侍應哥哥既介紹添，隱約聽到最前面係香草，最後係橄油，哈哈 ﹗我真係好少可全部麵包食晒，雖然只係室溫唔係熱辣辣，但真係好好好味 ﹗Table bread 係 all you can eat，可以不繼 refill，但要留肚食其他野呀 ﹗好香濃麵包香味同小麥香味，質感非常軟墊。如果唔係用麵包焗爐翻熱麵包，不如唔好翻熱喇，如用微波爐翻熱會將鮮味同質感破壞晒。羊奶芝士煙魚塊沙律，先黎個頭盤，唔記得左個菜名喇 ﹗鮮魚味夾雜住淡淡既咸香，味道不嗆而清新，質地彈而嫩滑帶肉汁，高水準。薄薄既羊奶芝士跟蘿勒、火箭菜配上微酸帶甜既 dressing，味道香甜而豐富，好味 ﹗賣相就唔洗講啦。香煎日本帶子配羊奶芝士及耶路撒冷忌廉，其實每道菜既菜名同配料都好難記啊，哈哈 ﹗第二道菜用既羊奶芝士，chef 細心地分開上，怕某些食客受不到羊奶既騷味。我都同樣試幾口先，香而帶微微羊羶味，藍芝士味道比佢重十倍啦。侍應哥哥先放低杯羊奶芝士泡沬，就將耶路撒冷忌廉倒入碗度，再介紹一番。我依家將羊奶芝士跟耶路撒冷忌廉撈混，質感幼滑，味道香而帶微弱既甜味。帶子煎得非常鮮嫩，又彈又滑，兩面煎得金黃香口，肉汁豐富濕潤，好正 ﹗清淡既 dressing 配上海鮮味濃既帶子，完全食到帶子既真味，Good。炆雞髀肉卷，其實將雞髀去骨變為雞扒，卷成卷狀去炆，炆好就切片，所以咪一個個圓形囉。汁既味道同演繹方法都好中式，幾得意，我覺得好搞笑既 fusion。味道似紅燒汁、醬油味，哈哈。雞肉炆得入味，質感軟腍嫩滑。配上小棠菜或杏仁片同吃，口感更添豐富而特別，腍、滑、脆、嚥靭、爽口。最後食埋片生菜配沙律醬清清味蕾去完結此道濃味菜色，預備迎接下一道美食 ﹗慢烤羊柳 5 成熟，終於輪到傳說中既主菜烤羊柳喇 ﹗烤得十分十分軟腍又棉棉的啊，肉既纖維真係好 soft 好 smooth ﹗羊肉味香濃，而略帶微微羊羶香味，Juicy 既羊肉再配埋淡淡甜味既 dressing，已經唔知點形容，總之非常好食 ﹗係口腔內鬆軟而濕潤既感覺，Very good ﹗黑鱈魚柳卷配龍蝦湯，非常漂亮既賣相，見到已流晒口水喇 ﹗黑鱈魚柳中間卷住蝦膠。食落蝦膠質感似魚蛋喎，較為腍身，味道偏咸左少少呢，而且似魚肉多過蝦膠，鮮味欠奉，要扣點分數。鱈魚味道偏淡，不過如果配埋香濃龍蝦湯一齊食，味道剛剛好，超美味呢 ﹗甜品，開心既晚餐又到尾聲喇。我一向都不好甜的，但今晚餐飯咁正，為左要完滿地結束，黎個甜品啦 ﹗最底層係涼浸浸既雪梨啫喱、上面係幼滑既 cheese cake，將佢地同時放入口中，不太甜啱晒我，味道清新而不膩，唔錯噃。半島酒心朱古力，最終有機會試到半島好出名既自家酒心朱古力喇 ﹗我愛黑朱古力既甘苦再配上酒香，好享受呢 ﹗半島烤芙同花生糖，都係半島自家製作，我對糖果麻麻地，不過照試吓啦，不過不失囉。第一次食晚餐會有咁多款甜品作謝幕架 ﹗先黎 cheese cake，再黎朱古力同花生糖，最後再黎新鮮士多啤梨 jam 慕絲，由淡食到濃，每款甜品都好有心思 ﹗今晚完滿結束，好幸福 ﹗非常滿足 ﹗以為完左，原來仲有架 ﹗最後最後我以香濃即磨熱咖啡作終結，朋友仔則以花茶作 happy ending，爽乎 ﹗超嘆 ﹗回家了 ﹗非常開心的一次晚餐 ﹗
Post
