Video
Read full review
2023-10-17
484 views
今晚同朋友一行5人用openrice優惠券去緣味小聚，體驗奇差，希望各位三思係咪真係要去呢間餐廳食野，以下慢慢細說重點：1。優惠券並無告知要額外收費原本係見到好似平左，幾抵食所以買優惠券，點知去到發現要收$48醬油費，加埋係$346，而原價係$348，係平左$2啊！我真係多謝晒你啊！$48醬油費你比左啲咩我啊？蒜、蔥、辣椒同豉油，無喇，你可唔可以比啲誠意我？比多幾個醬啊？2。座位窄我一早打去訂5位先買優惠券，但原來呢間野所有枱都係for 4個人，咁你唔一早講定可能有啲窄？5個人逼落去4個位，張枱又唔係大，幾個男人坐真係冇空間可言。3。服務態度&效率差先唔講老闆西口西面（可能佢習慣左），我哋叫店員同老闆都叫左3、4次比個QR Code我哋落order，諗住等海鮮都可以食住其他野先，點知一路都冇比。另外，我哋食火鍋前都冇郁過個鍋，但個老闆態度比較差咁問我哋係咪又整到個鍋錯左位置搞到熱唔到，隔左一陣佢見仲未滾又問我哋係咪踢到個插頭，但明明我哋所有人都冇郁過（even蒸海鮮我哋都係叫店員幫我哋夾，因為蒸鍋蓋有啲熱）。4。對食物十分十分失望本身已經收緊我300蚊，但大部分海鮮都唔係好新鮮，蟶子同
1。優惠券並無告知要額外收費
原本係見到好似平左，幾抵食所以買優惠券，點知去到發現要收$48醬油費，加埋係$346，而原價係$348，係平左$2啊！我真係多謝晒你啊！$48醬油費你比左啲咩我啊？蒜、蔥、辣椒同豉油，無喇，你可唔可以比啲誠意我？比多幾個醬啊？
2。座位窄
我一早打去訂5位先買優惠券，但原來呢間野所有枱都係for 4個人，咁你唔一早講定可能有啲窄？5個人逼落去4個位，張枱又唔係大，幾個男人坐真係冇空間可言。
3。服務態度&效率差
先唔講老闆西口西面（可能佢習慣左），我哋叫店員同老闆都叫左3、4次比個QR Code我哋落order，諗住等海鮮都可以食住其他野先，點知一路都冇比。另外，我哋食火鍋前都冇郁過個鍋，但個老闆態度比較差咁問我哋係咪又整到個鍋錯左位置搞到熱唔到，隔左一陣佢見仲未滾又問我哋係咪踢到個插頭，但明明我哋所有人都冇郁過（even蒸海鮮我哋都係叫店員幫我哋夾，因為蒸鍋蓋有啲熱）。
4。對食物十分十分失望
本身已經收緊我300蚊，但大部分海鮮都唔係好新鮮，蟶子同扇貝更加係十分之細，蟶子長度大約係等於我嘅尾指。除此之外，火鍋湯底清淡，冇乜味道，餐廳提供嘅飲品亦係比較冷門，整體食物比較好嘅可能係點心同牛肉。
總括而言，我認為緣味小聚可以話係近一，兩年食過最唔抵食嘅餐廳，甚至有一種比人呃左去食嘅感覺。
Post