鳳城酒家

Open Now

Now Closed

在上環食肆林立，餐廳們要做到客似雲來絕不容易，用客似雲來來形容鳳城，就絕不為過，今天我這個饞嘴的人，又要再到鳳城吃個飽。鳳城酒家創於1954年，係傳統酒家嘅佼佼姐，佢地主打傳統順德菜同河鮮。首先點了我最愛的東星斑，烹調方式可以選用欖角豉汁蒸，煎焗等等，成條都幾大條啊，入口魚皮仲係好爽口彈牙，魚肉好鮮嫩，非常之好味。銀湖雞茸燕窩羹呢個燕窩真係好足料啊，有唔少雞肉係入面，仲有燕窩碎添，每一啖湯都可以飲到香濃嘅雞肉香味。龍袍大虎蝦每一隻都好大隻，蝦肉爽口彈牙，入口鮮甜，加上有鹹蛋黃醬，就更加惹味。清炒菜苗菜苗入口好嫩滑，唔會炒得太過老，入口非常之鮮甜。招牌蓮蓉西米焗布甸呢個西米布甸做法比較傳統，表皮焗得好香脆，又唔會太過甜。雪燕楊枝甘露楊枝甘露用咗好多芒果粒製作，令到芒果味非常之濃郁。我們點了芒果布甸，芒果布甸透心涼，又香又滑，又有芒果肉，好味。我們都很滿意今晚的菜式，大家相約之後再來一聚。