尚夢・茳煳 (Closed)

一個天朗氣清嘅秋日同好朋友嚟到灣仔一間餐廳，聽朋友介紹呢一間餐廳係喺一年前開嘅，咁最近又重新裝修過。地下嗰一層有玻璃窗可以望到出邊街景，而上多層就係比較私密嘅三間房，分為大，中，細三間房，專做私房菜，大嗰間可容納最多12人，午餐價每人300蚊起，晚餐就每人500蚊起，如要享用私房菜，就要預先book定。我哋两人點咗是日燉湯，係“海底椰燉雞湯”，好耐冇試過咁好味嘅燉湯啦，清清甜甜，啖啖滋味滲入喉嚨滲入心👍小菜方面點嘅係“鹽燒黃花魚”和“終極小炒皇” 因為有D肚餓，亦點咗可以飽肚嘅“桂花鹹魚蓉炒米粉”，黃花魚好乾爽好香口好脆口亦都好大條，入邊的魚肉keep到juicy，非常好；小炒皇好高質，有好多脆魚仔，有蝦球，有帶子，好味；米粉係好幼細個隻，唔會太油，两個女仔清晒成碟，老細最後仲送咗芝蔴糯米糍畀我哋做飯後甜品，好好人吖。