源記餐廳 (Closed)

因為中環返工關係，食埋個早餐先番工，上環食早餐選擇都幾多，見呢間平時都幾滿座，咁就一於試下啦，今次係第一次光顧上環源記。其實佢個價位大約HKD 30 元起，係中上環既地區黎講已經唔算貴。而且選擇都幾多。行入餐廳揾個位坐，都未坐低晒，侍應哥哥9秒9問食咩，之後我見個蕃茄豬軟骨通粉咁大張圖就知係推介就點左。唔夠一分鐘就上菜了。嘩，望落真係好普通，一食落個羅宋湯湯底好杰，而且好重蕃茄味，對於我呢種食開重口味既人黎講，湯底入面有少少辣味係好正既事，豬軟骨仲正又入味，不過唔算好諗，軟骨好爽脆，食完仲可以飲埋個羅宋湯底。