張公子

Open Now

Now Closed

星期日同家人飲茶，去咗觀塘張公子，之前食過，點心質素有保證。兩個人飲住鍾意的菊花茶，慢慢等點心到。蟹子蒸燒賣燒賣入邊嘅豬肉好爽口，豬肉同蝦肉嘅比例剛好，仲有好鮮味嘅冬菇粒，味道唔錯。百花釀魚肚真材實料，魚肚非常厚身，口感軟綿綿，配上爽口彈牙的蝦膠，清淡又好味。蠔皇叉燒包叉燒包好爆餡，入面的叉燒好多，叉燒汁非常可口惹味，個包亦鬆軟。張公子招牌腸腸粉皮非常薄滑，入邊包住脆口的米網再加上各種爽口蔬菜菇菌，淋上香甜豉油，非常好吃。帶子芋蓉盒呢個點心好精緻，軟綿綿香滑嘅芋泥入邊有原粒鮮味帶子。總括而言，呢間酒家點心質素有保證，下次可以再嚟試吓食晚飯。