牛摩+ (新都城中心二期) (Closed)

呢日經過新都城，見到呢間日式火鍋放題店，餐牌又幾吸引。餐廳主打日式火鍋放題，一人一爐價錢由$159起至$349，90分鐘任點任食。晚上九點後仲再平啲，$119至$269就有得食，限時60分鐘。我哋點咗極品美國牛小排套餐 ( $349一位），餐單入面有不同肉類選擇，包括: 極品美國牛小排、SRF美國和牛、美國極上黑豚肉、特選美國牛肩胛等。牛質素相當高，牛味濃郁，入口嫩滑。除咗牛之外，美國豚肉質素都好好，入口充滿濃烈嘅豬肉味。牛肉質素極高，朋友講笑話叫五碟已經回本。仲點咗佢嘅「招牌牛摩飯」，入面有秘製莎莎醬，加埋美國牛肉免治，好開胃又惹味。呢個餐亦提供播種海鮮選擇，包括廣島蠔、扇貝、大蝦、青口等等。餐廳亦有自助區，提供有前菜、多種蔬菜、丸類、小食等。特別一提，佢嘅丸類入面有「啊中丸子」，值得一試。自助區亦有飲品及甜品提供，包括多沙冰、汽水、柚子蜜、朱古力等。甜品有雪糕、乳酪雪糕及蛋糕，相當多選擇。餐廳地方寬敞，環境舒適，晚餐放題呢個價錢已經有高質和牛，其他食物質素亦相當不錯，真心抵食。