隨變火鍋

Open Now

Now Closed

上星期同家人番咗大陸食咗d好好味嘅手打丸，番嚟香港好掛住，即刻去打邊爐。今日同老公專登來呢間望到少少海景嘅火鍋店食餐好。見到隔離枱個冬瓜鍋望落去好吸引，大家同意之後點左個金華火腿瑤柱冬瓜鍋，好足料，好多乾瑤柱同埋火腿，湯清甜又濃郁。冬瓜煲一陣煲到腍身少少，店員會幫手切開冬瓜。打邊爐點咗滑牛肉、四寶丸拼盤、四寶餃拼盤同成都川粉。滑牛肉份量都幾多，厚薄均勻，淥一淥入口好滑有牛味。四寶丸拼盤四寶丸有牛丸、芋泥貢丸、芝心墨魚丸同黑松露蝦丸，好大粒，食落都好彈牙。芋泥貢丸好有驚喜，芝心墨魚丸鹹香爆漿。四寶餃拼盤四寶餃有韭菜餃，鳳城水餃，鮮蝦雲吞同埋魚皮餃。自家製，每款都皮薄，d餡料都好足好鮮，感覺良好。成都川粉川粉幼身，口感Q彈滑滑，吸滿鮮甜既冬瓜湯，十分之好味。下次可以多啲人一齊來再點更加多既食物再食過。