Video
Read full review
2021-10-10
340 views
天氣開始轉涼，食火鍋最好不過。好耐之前都試過呢間，印象非常好。今日中環睇完戲，晚飯決定專登再去返尋味。蜂巢豆腐白湯鍋做湯底湯底加入左多款中藥既配料，知識有限，只知有人參、八角、桂圓等等，加上牛奶同豬骨熬成嘅湯底，香濃又香滑，感覺滋補養生。湯入面有好多蜂巢豆腐同鴨血，蜂巢豆腐盡吸濃郁湯底精華，台式火鍋唔少得嘅鴨血好QQ，正。極品安格斯牛肉（半份）大約十件，算厚切，好有牛味，油脂分布均勻，好腍滑。新鮮靚蝦滑（半份）望落份量細細，不過都整到6-7粒。蝦滑好爽口彈牙，蝦肉好新鮮，鮮甜美味。四寶餃餃拼盤（半份）有鮮蝦雲吞、韮菜餃、水餃同魚皮餃各一粒，同男友每樣share 一半，不過份量好大件，皮薄餡靚，質素不錯。海味花枝丸（半份）半份有3粒，食落係爽口彈牙，不錯，咬落仲有啲乾貝鮮味。蔬菜拼盤（半份）有粟米、木耳、娃娃菜、菜心，用料係好，新鮮而且乾淨，不過份量比較少。極品黑豚肉我地兩個都覺得好正，肥瘦適中，啲肉好薄好靚，灼完之後爽口同有豬肉味。冰鎮烏梅汁好重烏梅味，冰鎮係好好味，真材實料。鮮榨西瓜汁同樣真材實料，每啖到時清甜西瓜汁同西瓜蓉。食完火鍋之後，店員送上免費甜品。用上古代嘅酒杯盛載腐竹糖水
蜂巢豆腐白湯鍋做湯底
湯底加入左多款中藥既配料，知識有限，只知有人參、八角、桂圓等等，加上牛奶同豬骨熬成嘅湯底，香濃又香滑，感覺滋補養生。湯入面有好多蜂巢豆腐同鴨血，蜂巢豆腐盡吸濃郁湯底精華，台式火鍋唔少得嘅鴨血好QQ，正。
極品安格斯牛肉（半份）
大約十件，算厚切，好有牛味，油脂分布均勻，好腍滑。
新鮮靚蝦滑（半份）
望落份量細細，不過都整到6-7粒。蝦滑好爽口彈牙，蝦肉好新鮮，鮮甜美味。
四寶餃餃拼盤（半份）
有鮮蝦雲吞、韮菜餃、水餃同魚皮餃各一粒，同男友每樣share 一半，不過份量好大件，皮薄餡靚，質素不錯。
海味花枝丸（半份）
半份有3粒，食落係爽口彈牙，不錯，咬落仲有啲乾貝鮮味。
蔬菜拼盤（半份）
有粟米、木耳、娃娃菜、菜心，用料係好，新鮮而且乾淨，不過份量比較少。
極品黑豚肉
我地兩個都覺得好正，肥瘦適中，啲肉好薄好靚，灼完之後爽口同有豬肉味。
冰鎮烏梅汁
好重烏梅味，冰鎮係好好味，真材實料。
鮮榨西瓜汁
同樣真材實料，每啖到時清甜西瓜汁同西瓜蓉。
食完火鍋之後，店員送上免費甜品。用上古代嘅酒杯盛載腐竹糖水沙冰，賞心悅目沙冰感覺好清潤。
總括而言，呢間火鍋店確實係好優質，食物材料同湯底都係優質而且精緻，雖然價錢略貴，但係物有所值。
Post
