Video
Read full review
2022-11-22
174 views
Vision 8 (荃灣)📍荃灣兆和街34號永安樓地舖附近做完massage 剛好晚飯時間要諗食乜之際發現對面有間西餐廳，俾佢地整得靚靚嘅menu 吸引左，所以就決定入去試下！佢地個menu 做得好豐富，圖文並茂仲要色彩繽紛，product shot 又影得靚，最緊要佢哋選紙方面一啲都唔吝嗇，紙張非常厚實，唔似平時見到嗰啲溶溶爛爛嘅Menu！小店來講呢一點真係值得讚👍🏻👍🏻 除左menu之外牆上亦有掛起Chef Recommendation 同Special Drink List, 啲粉筆手繪圖都好靚！好多細微位都值得欣賞🫶我地叫左2 份餐湯，小食，主菜同甜品😋😋👩🍳主菜未到前，職員會送上餐前麵包 配黑松露牛油🧈。麵包有3 款，而且熱辣辣又輕軟，加埋黑松露牛油真係好惹味！第一次見小店連餐前麵包同牛油都咁講究，值得一讚👍🏻👍🏻👩🍳野菌黑松露忌廉湯 $78用左大量菌類打碎加忌廉而成，忌廉份量適中唔會搶過菇類本身味道，而且有刻意保留部分磨菇碎，令到口感更豐富！濃郁有質素！👩🍳法式干邑龍蝦湯 $88明顯用左新鮮龍蝦殼熬製而成，龍蝦味豐富，仲有幾舊龍蝦肉添🫶，少貴但值得一試！👩🍳V8 經
📍荃灣兆和街34號永安樓地舖
附近做完massage 剛好晚飯時間要諗食乜之際發現對面有間西餐廳，俾佢地整得靚靚嘅menu 吸引左，所以就決定入去試下！
佢地個menu 做得好豐富，圖文並茂仲要色彩繽紛，product shot 又影得靚，最緊要佢哋選紙方面一啲都唔吝嗇，紙張非常厚實，唔似平時見到嗰啲溶溶爛爛嘅Menu！小店來講呢一點真係值得讚👍🏻👍🏻 除左menu之外牆上亦有掛起Chef Recommendation 同Special Drink List, 啲粉筆手繪圖都好靚！好多細微位都值得欣賞🫶
我地叫左2 份餐湯，小食，主菜同甜品😋😋
👩🍳主菜未到前，職員會送上餐前麵包 配黑松露牛油🧈。麵包有3 款，而且熱辣辣又輕軟，加埋黑松露牛油真係好惹味！第一次見小店連餐前麵包同牛油都咁講究，值得一讚👍🏻👍🏻
👩🍳野菌黑松露忌廉湯 $78
用左大量菌類打碎加忌廉而成，忌廉份量適中唔會搶過菇類本身味道，而且有刻意保留部分磨菇碎，令到口感更豐富！濃郁有質素！
野菌黑松露忌廉湯
$78
26 views
0 likes
0 comments
👩🍳法式干邑龍蝦湯 $88
明顯用左新鮮龍蝦殼熬製而成，龍蝦味豐富，仲有幾舊龍蝦肉添🫶，少貴但值得一試！
法式干邑龍蝦湯
$88
29 views
0 likes
0 comments
👩🍳V8 經典蟹餅沙律 $148
蟹餅內甜甜嘅餡料充滿着洋蔥碎，少量薯蓉同超大量蟹肉！蟹餅多數係高級餐廳，或者係酒店先有嘅菜式，小店能夠提供呢個菜式仲要做得好，出色！
V8 經典蟹餅沙律
$148
23 views
0 likes
0 comments
👩🍳蘋果木燒西班牙黑毛豬鞍扒 $268
炭燒煙熏味道濃烈，一上枱就即時聞到！西班牙黑毛豬本身食材已經好優質，生熟做得啱啱好，豬肉仲有微微粉紅色，又嫩又香！配埋少量油脂一齊食就更香！
蘋果木燒西班牙黑毛豬鞍扒
$268
39 views
0 likes
0 comments
👩🍳烤美國極佳級肩胛牛扒 $288
非常之淋嘅牛肩胛，同牛柳嘅稔度差唔多，驚喜在於牛味濃！上盛之選👍🏻👍🏻
烤美國極佳級肩胛牛扒
$288
25 views
0 likes
0 comments
👩🍳蘋果金寶 配 雲呢拿雪糕 $78
Apple Crumble 好少地方有得食，上面脆脆嘅曲奇碎加清甜cinnamon Apple ，做得唔錯！
Apple Crumble 配 雲呢拿雪糕
$78
25 views
0 likes
0 comments
❤️小店西餐類別來講，佢地唔係走平價路線，但係對應嘅食材、味道、配搭嘅要求/講究、服務等等都能夠提供對應嘅質素！去開荃灣嘅話，真心值得一試👍🏻
Post
