M Kitchen (Closed)

荃灣千色匯嘅m kitchen 一直都好想試， 依家如果外賣仲有七折優惠，真係好抵食，一個餐亦都唔貴， 同朋友諗住嚟試下所以就選擇堂食。 如果自己一個食，或者買返公司食，其實外賣真係堅抵。M kitchen 其實都幾大, 空間寬闊, 坐亦都坐得舒服,, 係限聚令期間係一個好選擇。Menu有好多選擇， 最後要咗一個食肉獸巨人扒餐 巨人， 朋友就叫咗一個石燒肉眼扒配薯條， 嗰個人扒餐真係好豐富, 有一隻超大嘅炸雞髀, 脆皮腸, 煙肉, 厚切豬扒, 同薯條, 國炸雞髀真係炸到好脆好好食成個餐都好豐富， 食到好飽。至於朋友嘅石燒肉眼扒配 薯條 亦都好出色牛扒好軟淋， 肉質鮮味。我哋兩個都叫咗時日餐湯，可以選擇 餐飲或者餐湯，我哋最後決定咗要餐湯，個人覺得選擇好正確，佢嘅南瓜餐湯真係好creamy，好好飲。