Video
Read full review
2017-03-29
4765 views
最近真係愛上左大角咀呢個舊區，差唔多個個星期都會黎開餐！今晚我哋揀咗金船長，呢間開咗喺大角咀好多年嘅西餐廳。餐廳燈光昏暗，頗有情調。餐廳雖然多人，但大家都係細細聲咁傾計，唔會覺得好嘈吵。打開餐牌，圖文並茂，而且食物種類好多，pizza、沙律、扒類、意粉等等應有盡有。選擇困難症又發作，於是就叫侍應同我地介紹下有咩好食。侍應推介攞奬菜式 - 黑松露菌醬意式芝士夾心pizza，咁我地就要一個細嘅試吓啦；然後仲要左一個意大利飯、一個焗魚 、一個沙律同埋一個甜品。呢度嘅點餐選擇好有彈性，除左set dinner之外，各種食物都可以加錢轉餐，又可以加錢upgrade個嘢飲，又可以加錢要甜品，豐儉由人先來推介嘅夾心Pizza！個賣相幾特別，唔係平時Pizza一大個圓形或者長方形咁上枱，而係已經切左細細件，侍應放低嘅時候講咗三種食法：可以就咁拎起大啖大啖食，又可以點伴碟嘅自家製提子醋嚟食，又可以夾埋啲有機沙律菜一齊食，各有特色。拎上手件Pizza熱辣辣，仲聞到陣陣嘅黑松露菌醬同埋芝士香味！每件pizza面頭都沾滿左芝士粉，外脆內軟，好好味。點左提子醋可以減低芝士嘅油膩感，不過作為芝士控就鍾意唔點醋食，
餐廳燈光昏暗，頗有情調。餐廳雖然多人，但大家都係細細聲咁傾計，唔會覺得好嘈吵。
打開餐牌，圖文並茂，而且食物種類好多，pizza、沙律、扒類、意粉等等應有盡有。選擇困難症又發作，於是就叫侍應同我地介紹下有咩好食。
侍應推介攞奬菜式 - 黑松露菌醬意式芝士夾心pizza，咁我地就要一個細嘅試吓啦；然後仲要左一個意大利飯、一個焗魚 、一個沙律同埋一個甜品。
呢度嘅點餐選擇好有彈性，除左set dinner之外，各種食物都可以加錢轉餐，又可以加錢upgrade個嘢飲，又可以加錢要甜品，豐儉由人
先來推介嘅夾心Pizza！個賣相幾特別，唔係平時Pizza一大個圓形或者長方形咁上枱，而係已經切左細細件，侍應放低嘅時候講咗三種食法：可以就咁拎起大啖大啖食，又可以點伴碟嘅自家製提子醋嚟食，又可以夾埋啲有機沙律菜一齊食，各有特色。
黑松露菌醬意式馬斯卡普芝士夾心pizza
$108
39 views
0 likes
0 comments
然後就到三文魚凱撒沙律，生菜新鮮爽口，分量好多，三文魚夠晒鹹香，同沙律菜配搭一流；不過整體略嫌醬料落得重手左小小。
凱撒沙律加煙三文魚
$96
38 views
0 likes
0 comments
香煎老虎蝦配龍蝦汁意大利飯
$158
39 views
0 likes
0 comments
意大利飯煮得啱啱好，唔會太生又唔會太熟咁；龍蝦汁亦係恰到好處，杰身而味道濃郁，緊緊包裹住每一粒意大利飯，好味道
法式焗紐西蘭金獅柳配西西里蕃茄汁
$158
21 views
0 likes
0 comments
法式焗紐西蘭金獅魚柳配西西里蕃茄汁係一個好健康嘅主菜！金獅魚柳肉質比較結實，油分唔算多，面頭沾左麵包糠再焗，口感豐富。墊底嘅蔬菜有翠玉瓜、南瓜同茄子，加上新鮮蕃茄製成嘅西西里番茄汁，顔色豐富，令我不期然咁諗起近年流行的彩虹飲食法其實食咗咁多野已經好飽好滿足，不過加＄38就有一個甜品，我哋當然唔執輸啦！
我哋要咗原味soufflé，要等大約15分鐘先有得食。
原味soufflé
$38
12 views
0 likes
0 comments
然後再來一杯餐飲；一路食甜品一路飲mocha，為呢餐晚餐畫上完美的句點Post
