Video
Read full review
2015-05-08
1017 views
記得讀書既時候，我好中意同同學去打邊爐，而且更加要係任飲任食，因為坐得耐，可以吹水吹耐d，最重要係夠平又夠飽。不過人大左，食量細左，食野就更加係要睇質素，唔可以浪費quote。過左咁多年，又同幾個同學重聚，當然係繼續打邊爐吹水，但我地要食有質素既野，諗左好耐，最後揀左九龍城既厚福館。因為朋友話佢個到既湯底好特別，而且海鮮又夠新鮮。我地冇訂位，直接去，7點左右去到，唔駛等位，入到去，D擺位、餐具都好靚。因為我地未齊人，侍應都好細心提我地叫住野飲等，等左一齊全部人黎齊，我地今次一行4個人，叫左個足料佛跳牆湯底($198)，湯底入面有，飽魚，螺片，翅，花菇，半隻雞，細心既侍應知道香港人習慣以相機食先，所以就自比我地睇一睇所有材料，再係我地面前加湯，仲提我地滾左之後要先飲返啖湯。等左10分鐘左右，個湯滾左，我地一試個湯，超甜，仲好濃既雞味。真係好正!!我地仲叫左個厚褔刺身拼盤($188)，入面有三文魚，帶子，象拔蚌，北寄貝等，樣樣都好新鮮，粒帶子刺身好大好厚，食落入口即溶，又夠鮮甜。象拔蚌，就好爽口，好正呀。Menu入面除左火鍋配料、刺身，仲有餐前小食，我地就叫左個秘製香炸松露餃($68)，炸
不過人大左，食量細左，食野就更加係要睇質素，唔可以浪費quote。過左咁多年，又同幾個同學重聚，當然係繼續打邊爐吹水，但我地要食有質素既野，諗左好耐，最後揀左九龍城既厚福館。因為朋友話佢個到既湯底好特別，而且海鮮又夠新鮮。
我地冇訂位，直接去，7點左右去到，唔駛等位，入到去，D擺位、餐具都好靚。
因為我地未齊人，侍應都好細心提我地叫住野飲等，等左一齊全部人黎齊，我地今次一行4個人，叫左個足料佛跳牆湯底($198)，湯底入面有，飽魚，螺片，翅，花菇，半隻雞，細心既侍應知道香港人習慣以相機食先，所以就自比我地睇一睇所有材料，再係我地面前加湯，仲提我地滾左之後要先飲返啖湯。等左10分鐘左右，個湯滾左，我地一試個湯，超甜，仲好濃既雞味。真係好正!!
我地仲叫左個厚褔刺身拼盤($188)，入面有三文魚，帶子，象拔蚌，北寄貝等，樣樣都好新鮮，粒帶子刺身好大好厚，食落入口即溶，又夠鮮甜。象拔蚌，就好爽口，好正呀。
Menu入面除左火鍋配料、刺身，仲有餐前小食，我地就叫左個秘製香炸松露餃($68)，炸得好熱好香脆，一咬開就有勁香既黑松露，好香。打邊爐，點小得食牛嫁，我地叫左個每日限量頂級牛肉($298)，一碟都幾多下，牛肉好靚，仲有雪花，食落好嫩滑，而且咬落仲好稔。牛味十足，食完一塊接一塊，完全唔想停口。
平時打邊爐，多數會叫桶蠔，但今次見佢呢到有日本廣島蠔，當然要試下啦$78一份。都幾大隻，煮完之後都冇咩縮過，蠔味好濃，我自己覺得比桶蠔仲好食。
伊比利亞黑毛豬柳粒$88，呢個係老闆介紹既，佢話口感好特別叫我地試下，仲提我地要煮15分鐘先食得，製成品個野同煲完湯個豬肉一樣，心諗一定好硬唔通老闆厄我???點知一咬之下就發現大不同，肉好嫩，油脂分佈好平均，一咬落去就有肉汁流出黎，真係估佢唔到。
爽脆桂花蚌($78)，好爽口，原隻火箭魷魚筒($40)，細細隻，以為冇肉，點知好爽又鮮甜，出奇地好食。
巨型花竹蝦，刺身就食過，拎黎打邊爐就真係第一次，D蝦肉好彈牙，又鮮味，我地一人食一隻!!!
聽老闆講佢地丸同餃，都係手制，自己打，自己調味，我就叫個細既既必食蠔仔牛肉餃($38)黎試試，口感都幾特別，牛肉包住左隻蠔仔，一咬落去牛肉好香，隻蠔仔既汁就爆出黎，好鮮呀。另外一個自製墨魚滑($68)，入面有好多墨魚粒，好有咬口。
最估唔到既係原來蕃薯都可以用黎打邊爐，我就係比佢吸引左，叫左一份黎試試，日本甜薯($28)，蕃薯好甜，都幾得意。
今餐我地大約400蚊一位，食物好新鮮，超讚呀!
Post
