胡爐 (Closed)

趁未太熟，快啲食多餐火鍋，去胡爐，因為近公司，價錢又抵食。叫胡椒豬肚花膠雞鍋 $288，好細心，花膠胡椒及雞件三款食材分開方，湯裏面只放咗豬肚、酸菜及配料，我哋嘅可以決定軟度，唔會過火。雞當然係即煮即食好味好多，滑得多，花膠又唔怕過溶，好多胡椒碎，自己落，好夠辣。另一主角係胡爐牛拼盤（牛舌芯、安格斯手打肥牛、極上手切牛頸脊、牛胸爽、霜降牛粒），完全係唔同口感，各有特色。丸子餃子缺不了，全部都唔係普通嘢，好有特色，蟹子蝦丸、梅菜豬肉丸、黑松露墨魚丸。黑松露蟹肉餃很夾，好味。