Video
Read full review
2019-01-25
75 views
今晚約左姐姐去到葵芳新都會廣場「丸十日本食堂」食日本菜，之前已經同好姊妹嚟食過午餐，已經念念不忘。因為我好喜歡餐廳柔和簡潔，四處都係用木製裝飾及傢俬，空間感十足，有很多座位選擇，例如有卡位座、梳化位及鐵板燒吧檯，不論咩座位都令人感到舒適。今次我哋嚟食鐵板燒，鐵板燒晚市價格由$350 至$580 元，共有四款。而今晚叫了每位$480究極之鐵板燒套餐。究極之鐵板燒晚市套餐包括有蟹肉沙律前菜(螺肉)大蜆味噌湯 鵝肝南非鮑魚波士頓龍蝦半隻野菜燒 丸十鐵板和牛炒飯 米國牛肉我哋坐起吧檯位置可以親眼睇住廚師即席手起烹調，廚房好明顯訓練有素，技巧熟練三兩下手勢就煮出美食畀我哋享用。究極鐵板燒套餐牛肉有厚燒或薄燒，職員推薦薄燒會比較滋味，所以我哋就叫咗薄身牛肉。終於可以開飯囉～首先送上「蟹肉沙律」，沙律菜及蟹肉極之新鮮，味道清爽鮮甜，再加上小食「前菜係螺肉」都不錯。跟住來一個新鮮煎香的「鵝肝多士」，油脂豐富，甘香而不膩，入口即熔，仲大大件，好抵食。再來「南非鮑魚」是非常新鮮，活生生的飽魚在鐵板面前掙扎，睇落殘忍，但味道鮮嫩彈牙，十分美味。「波士頓龍蝦半隻」都好好食， 龍蝦厚肉及爽脆口感，超級優質。「野
因為我好喜歡餐廳柔和簡潔，四處都係用木製裝飾及傢俬，空間感十足，有很多座位選擇，例如有卡位座、梳化位及鐵板燒吧檯，不論咩座位都令人感到舒適。
今次我哋嚟食鐵板燒，鐵板燒晚市價格由$350 至$580 元，共有四款。而今晚叫了每位$480究極之鐵板燒套餐。
究極之鐵板燒晚市套餐包括有
蟹肉沙律
前菜(螺肉)
大蜆味噌湯
鵝肝
南非鮑魚
波士頓龍蝦半隻
野菜燒
丸十鐵板和牛炒飯
米國牛肉
我哋坐起吧檯位置可以親眼睇住廚師即席手起烹調，廚房好明顯訓練有素，技巧熟練三兩下手勢就煮出美食畀我哋享用。
究極鐵板燒套餐牛肉有厚燒或薄燒，職員推薦薄燒會比較滋味，所以我哋就叫咗薄身牛肉。
終於可以開飯囉～首先送上「蟹肉沙律」，沙律菜及蟹肉極之新鮮，味道清爽鮮甜，再加上小食「前菜係螺肉」都不錯。
跟住來一個新鮮煎香的「鵝肝多士」，油脂豐富，甘香而不膩，入口即熔，仲大大件，好抵食。
再來「南非鮑魚」是非常新鮮，活生生的飽魚在鐵板面前掙扎，睇落殘忍，但味道鮮嫩彈牙，十分美味。
「波士頓龍蝦半隻」都好好食， 龍蝦厚肉及爽脆口感，超級優質。
「野菜燒」都煎得好香，份量十足，味道不錯。
主角出場「米國牛肉薄燒」，薄燒是捲起蘆再將外層煎香，將肉汁鎖住，再切開放在碟上，時間控制得剛剛好。入口滿口牛肉香，食得出是上乘靚牛， 真係牛魔王恩物，好正。
最後送上「味噌湯」同「丸十鐵板和牛炒飯」，炒飯炒到好香噴噴，每一粒香飯分明都一粒一粒，而米白是來自日本，真係成餐都係優質好享受。
Post
