Video
Read full review
2023-10-09
459 views
餐廳位於荔枝角工業區，可算係隱世小店。由於係岩岩新開張，有啲餐點仲準備緊。店員熱情咁為我地推薦菜式，每碟菜式都用咗鮮水果同花朵襯托🍓🍊🌺 令味道唔單調、色彩又繽紛。環境清優寧靜，佢地亦主打手調咖啡，下次日頭來可以試試👍🏻自家製脆糖刁草醃三文魚 🐟🌿菜式名冇寫到，其實呢一碟係沙律。除左有多款沙律菜，仲有鮮花同水果襯搭，健康有型又鮮豔。中間擺放住用刁草醃三文魚卷成一朵玫瑰花，醃後色澤比較紅，除了香草既檸檬香，亦留有三文魚香味，口感嫩滑。芝士露筍黑松露雜菌意大利飯 🧀🍄🍚聽店員講 主廚係做開fine dining，所以煮飯會冇local嗰隻咁軟熟，我都幾鍾意啲飯粒口感一粒粒分明，不過要趁熱食，如果唔係，當醬汁乾左就差啲，雜菌配上芝士忌廉味濃郁入味。比目魚柳配蕃茄辣椒莎莎 🐟🍅🔥煎魚柳做到香脆內軟，魚皮香脆唔油膩，可以連皮咁食。魚肉厚實又濃味，食得出食材嘅鮮味同埋質素。我幾鍾意佢個莎莎醬汁，唔會浸到魚肉淋曬，而且醬汁淡淡香味唔會搶咗魚肉嘅味道。加上薯蓉配菜同埋小燈籠椒，係健康輕盈又滋味既選擇。孵化啤酒 🍺依個係餐廳自家製的啤酒，比較易入口，店員話係用咗花來釀製，我自己就飲到一啲果香味，清新得嚟
自家製脆糖刁草醃三文魚 🐟🌿
菜式名冇寫到，其實呢一碟係沙律。除左有多款沙律菜，仲有鮮花同水果襯搭，健康有型又鮮豔。中間擺放住用刁草醃三文魚卷成一朵玫瑰花，醃後色澤比較紅，除了香草既檸檬香，亦留有三文魚香味，口感嫩滑。
芝士露筍黑松露雜菌意大利飯 🧀🍄🍚
聽店員講 主廚係做開fine dining，所以煮飯會冇local嗰隻咁軟熟，我都幾鍾意啲飯粒口感一粒粒分明，不過要趁熱食，如果唔係，當醬汁乾左就差啲，雜菌配上芝士忌廉味濃郁入味。
比目魚柳配蕃茄辣椒莎莎 🐟🍅🔥
煎魚柳做到香脆內軟，魚皮香脆唔油膩，可以連皮咁食。魚肉厚實又濃味，食得出食材嘅鮮味同埋質素。我幾鍾意佢個莎莎醬汁，唔會浸到魚肉淋曬，而且醬汁淡淡香味唔會搶咗魚肉嘅味道。加上薯蓉配菜同埋小燈籠椒，係健康輕盈又滋味既選擇。
孵化啤酒 🍺
依個係餐廳自家製的啤酒，比較易入口，店員話係用咗花來釀製，我自己就飲到一啲果香味，清新得嚟又帶有少少清甜味。
孵化生活 🌿🍺🐟🌺
荔枝角青山道495號誠信中心1樓2號舖
人均$200
Post
