La Famille (Closed)

一直都好鐘意La Famille嘅蛋糕，想食佢個cake set好耐，今日出開去同閨密行街梗係要去chill番下！Special Set For Two ($180)包有兩杯經典咖啡(熱)、一個戚風小蛋糕同一個巴伐利亞(8cm)，凍飲加$3，加$15可以升級其他飲品。凍香濃朱古力咖啡 (+$3)朱古力味濃郁，但唔會蓋過咖啡嘅味道，又唔會好甜！薄脆焦糖咖啡 (+$15)面層有一層薄薄嘅焦糖脆片，賣相有啲似creme brulee，入口焦糖味道香濃。沖繩黑糖栗子蒙布朗賣相吸睛，有好多栗子蓉，口感細膩柔滑，栗子味道香濃，戚風蛋糕質感鬆軟濕潤。日本白桃巴伐利亞賣相精緻，層次分明，入口即溶，散發住清新香氣，甜而不膩。