Video
Read full review
2010-08-25
21 views
不嬲覺得呢一間翡翠拉麵小籠包的餸、服務都非常差,環境窄,食客坐得好唔舒服。有年中三係銅鑼灣時代廣場分店食咗一碗清水狀的勁麻無辣牛肉麵,立即吐出來,咁大個人僅僅一次對點了的食物原封不動。昨晚又一次引證呢個翡翠拉麵小籠包的低水平質數。有個律師朋友生日,話要去呢間食小籠包,心想勸佢去和歌山食,但人家生日唯有就人。去到見倒個朋友還在等位,佢話門口待應串,不採人,只顧傾電話。門口有十個人等位佢重煲電話粥認真利害。之後入去點菜,叫個侍仔寫三杯雞,佢話冇,之後用手指响餐牌上指來指去,叫你跟佢的推介。他應該無心,但指來指去有欠尊重,廳餐高層不教導員工點待客的?當然一樣都冇聽他推介,最後決定要了擔擔麵、小籠包和葱油餅小籠包:勉強來講是全晚最好食的點心,一共四個,夾起不怕穿,皆因層皮厚過生煎包。湯不過不失但絕不是極品,頂多是翠園級數葱油餅認真差,一夾就散,粉厚個擦膠,炸得又唔香口重要唔脆,葱又小又冇葱味,一啲都唔熱擔擔麵全場最難食可能非它莫屬,一點都不熱,冇花生,又唔鹹,冇醬、湯底更淡過水,油和水分開十足一碗麻油紅色暖水浸冇味拉麵,咁大個人冇食過咁差的擔擔麵。食過小南國的擔擔麵的外國人一定覺得翡翠呢碗絕不
昨晚又一次引證呢個翡翠拉麵小籠包的低水平質數。有個律師朋友生日,話要去呢間食小籠包,心想勸佢去和歌山食,但人家生日唯有就人。去到見倒個朋友還在等位,佢話門口待應串,不採人,只顧傾電話。門口有十個人等位佢重煲電話粥認真利害。之後入去點菜,叫個侍仔寫三杯雞,佢話冇,之後用手指响餐牌上指來指去,叫你跟佢的推介。他應該無心,但指來指去有欠尊重,廳餐高層不教導員工點待客的?當然一樣都冇聽他推介,最後決定要了擔擔麵、小籠包和葱油餅
小籠包:
勉強來講是全晚最好食的點心,一共四個,夾起不怕穿,皆因層皮厚過生煎包。湯不過不失但絕不是極品,頂多是翠園級數
葱油餅
認真差,一夾就散,粉厚個擦膠,炸得又唔香口重要唔脆,葱又小又冇葱味,一啲都唔熱
擔擔麵
全場最難食可能非它莫屬,一點都不熱,冇花生,又唔鹹,冇醬、湯底更淡過水,油和水分開十足一碗麻油紅色暖水浸冇味拉麵,咁大個人冇食過咁差的擔擔麵。食過小南國的擔擔麵的外國人一定覺得翡翠呢碗絕不是同一道菜。
服務方面更驚人:
1. 侍應隨地大聲咳向食客
2. 個部長幫隔離枱一對後生情侶埋單時粗聲粗氣,好似去咗傭國
3. 食食吓隔離抹枱的侍應突然將座枱茶牌啪在我們的枱上,見咁無禮唯有更大聲放回原處,嚇到個侍急急手抺原走,莫非從來只有佢咁待客,未試過比人咁對待?
翡翠拉麵小籠包間間都好難食,連其他地踎上海食館都比不上,服務又惡劣,不知為何港人仍然大排長龍入內。唯一好處係食完不須廿分鐘。相信再去翡翠拉麵小籠包的機會很低。
Post